Azərbaycanda gəncliyə dair növbəti Dövlət Proqramı hazırlanıb

"Ardıcıl olaraq, 2005-2009 və 2011-2015-ci illəri əhatə edən "Azərbaycan gəncliyi” Dövlət Proqramları uğurla həyata keçirilib. Növbəti 5 illiyi əhatə edən Dövlət Proqramı da hazırlanıb".

APA-nın məlumatına görə, bunu bu gün Azərbaycan Respublikasının Prezidenti yanında Gənclər Fondunun təşkilatçılığı ilə keçirilən 15 iyun - Milli Qurtuluş Gününə həsr edilmiş tədbirdəPrezident Administrasiyasıİctimai-siyasi şöbənin müdir müavini Tahir Süleymanov bildirib.T. Süleymanov deyib ki, Dövlət Proqramının layihəsi Prezident Administrasiyasında Gənclər siyasəti və idman məsələləri şöbəsi ilə birgə müzakirə edilib, daha sonra yekun variant prezidentİlham Əliyevə təqdim olunacaq: "Növbəti "Azərbaycan gəncliyi” Dövlət Proqramı gənclər siyasətinə yeni töhfə olacaq".