• cümə, 29 Mart, 04:59
  • Baku Bakı 7°C

Azərbaycanda doktorantura təhsilinin təşkili qaydaları yenidən hazırlanacaq

15.12.17 14:10 3000
Azərbaycanda doktorantura təhsilinin təşkili qaydaları yenidən hazırlanacaq
"Son illər qəbul imtahanlarında 500 bal toplayanların sayı 28, 600 bal toplayanların sayı 43 faiz artıb. Son qəbul imtahanında 700 bal toplayanların sayında isə 50 faiz artım müşahidə edilib".
APA-nın məlumatına görə, bunu təhsil nazirinin vəzifəsini icra edən təhsil nazirinin birinci müavini Ceyhun Bayramov bildirib.C. Bayramov deyib ki, ali məktəbləri bitirən oğlan tələbələrə möhlət hüququnun verilməsi bu il magistraturaya qəbulda əksini tapıb: "Magistraturaya qəbul olan oğlan tələbələrin sayı 74 faiz artıb. Ümumiyyətlə, magistraturaya qəbul 36 faiz artıb".
C. Bayramov ali təhsil müəssisələrində 30 yaşa qədər elmlər doktoru olmamasına, 63 yaşdan yuxarı elmlər doktorlarının üstünlük təşkil etməsinə diqqət çəkib: "HazırdaTəhsil Nazirliyitərəfindən doktorantura təhsilinin təkmilləşdirilməsi, Avropa təhsil məkanının tələblərinə uyğun strukturlaşdırılması istiqamətində işlər davam etdirilir. Bununla əlaqədarAvropa Komissiyası, AMEA və bir sıra təhsil müəssisələrinin iştirakı ilə müqavilə layihəsi reallaşdırılıb. Layihənin əsas məqsədi Azərbaycanda doktorantura təhsilinin mövcud vəziyyəti və Avropanın doktorantura təhsili ilə müqayisəsinin aparılması, Azərbaycanda doktorantura təhsilinin təşkili qaydalarının yenidən hazırlanması, ixtisas təsnifatının Avropada mövcud olan təsnifata uyğunlaşdırılmasından ibarətdir. Müqavilə səviyyəsində doktorantura səviyyəsində keyfiyyətin təminatı, doktorantura təhsil standartlarının müəyyənləşdirilməsi və ölkə üzrə doktorantura təhsili aparan təhsil müəssisələrini birləşdirən vahid portalın yaradılması nəzərdə tutulub. Tədqiqat universitetlərinin mövcudluğu, ali məktəblərə bu statusun verilməsi vacibdir. Bu barədə layihə hazırlanaraqNazirlər Kabinetinə təqdim edilib".
banner

Oxşar Xəbərlər