• cümə, 29 Mart, 10:32
  • Baku Bakı 5°C

Azərbaycanda banklar qeyri-bank kredit təşkilatına çevriləcək?

23.05.13 09:43 1975
Azərbaycanda banklar qeyri-bank kredit təşkilatına çevriləcək?
Azərbaycan Mərkəzi Bankı (AMB) ölkədə bank təşkilatlarının qeyri-bank kredit təşkilatına çevrilməsi prosesinin qanunvericilik bazasının hazırlanması istiqamətində iş aparır.
«APA-Economics»in xəbər verdiyi kimi, bu barədə Mərkəzi Bankın sədri Elman Rüstəmov bəyan edib. AMB başçısı bildirib ki, burada aktivlərin həcmi, əmanətçilərin hüquqları və s. aktual aspektlərin əks olunacağı gözlənilir.
E.Rüstəmovun sözlərinə görə, 2014-cü il yanvarın 1-dək məcmu kapitalını tələb olunan 50 mln. manata çatdıra bilməyən banklar ya qeyri-bank təşkilatına çevrilməlidir, ya konsolidasiya olunmalıdır, ya ümumiyyətlə bazardan getməlidir.
Qeyd edək ki, 2012-ci ilin avqustunda Azərbaycan Mərkəzi Bankı İdarə Heyətinin qərarı ilə fəaliyyətdə olan bankların məcmu kapitalının, habelə yeni yaradılan banklar üçün nizamnamə kapitalının minimumuna tətbiq olunan tələb 50 mln. manatadək artırılıb. Məcmu kapitalın minimum miqdarı üzrə yeni normativ 2014-cü il yanvarın 1-dən qüvvəyə minəcək. Hazırda bu tələb 10 mln. manatdır.
banner

Oxşar Xəbərlər