Azərbaycan XİN başçısı: "BMT qətnamələri xahiş etmir, işğal olunmuş ərazilərin azad olunmasını tələb edir"

"Dağlıq Qarabağ məsələsində Azərbaycana göstədiyi dəstəyə görə Qətər dövlətinə minnətdarlığımızı bildiririk".

APA-nın məlumatına görə, bunu xarici işlər naziriElmar MəmmədyarovQətərin xarici işlər naziri Şeyx Məhəmməd bin Əbdürrəhman Al-Tani ilə görüşdən sonra keçirilən mətbuat konfransında deyib.

NazirBMT-nin Dağlıq Qarabağ münaqişəsi ilə bağlı 4 qətnaməsinin mövcud olduğunu xatırladıb.

"Bu qətnamələr xahiş etmir, işğal olunmuş ərazilərin azad olunmasını tələb edir. Lakin digər münaqişələrlə bağlı qətnamələr dərhal icra olunduğu halda, bu qətnamələr yerinə yetirilmir. Bu qətnamələr müddətli deyil. Biz onlara istinad edirik", - deyə E. Məmmədyarov qeyd edib.