Azərbaycan xalqının qələbə əzminin təcəssümü
"Azərbaycan Ordusunun parlaq
tarixi zəfərlərindən olan şanlı Aprel döyüşlərindən 3 il ötür. Bir neçə gün
davam edən Aprel döyüşləri bütün dünyaya Azərbaycan Ordusunun gücünü, qüdrətini,
ən əsası isə Azərbaycan xalqının qələbə əzmini,
ədalətin tezliklə bərpa ediləcəyini göstərdi”.
Bu barədəmillət vəkili Naqif Həmzəyev "Kaspi” qəzetinə açıqlamasında bildirib. O qeyd
edib ki, 3-4 gün ərzində əqidəsindən, siyasi
mövqeyindən, sosial durumundan, yaşından asılı olmayaraq hər bir Azərbaycan vətəndaşı
öz mövqeyini, həmrəyliyini, Vətən, torpaq, el-oba yolunda hər cür fədakarlığa
hazır olduğunu göstərib:
"Aprel döyüşləri bizim şanlı hərbi qələbəmizdir, dövlətimizin,
xalqımızın, ordumuzun gücünü göstərən qələbədir. Aprel döyüşləri nəticəsində
Füzuli, Cəbrayıl və Ağdərə rayonlarının işğaldan azad edilmiş ərazilərində bu
gün Azərbaycan bayrağı dalğalanır. Bu döyüşlər onu göstərir ki, Azərbaycan
xalqı və dövləti heç vaxt işğalla barışmayacaq, öz ərazi bütövlüyünü nəyin
bahasına olursa-olsun bərpa edəcəkdir. Prezident İlham Əliyevin söylədiyi bu fikirlər Aprel zəfərinin xalqımız üçün
əhəmiyyətini aydın şəkildə ifadə edir. Aprel zəfəri torpaqlarımızın
20 faizinin düşmən tərəfindən işğal olunduqdan illər sonra xalqımıza qələbə
sevinci yaşatdı. Azərbaycan xalqı qürur duydu
ki, Ali Baş Komandan İlham Əliyevin qətiyyətli siyasətinə, prinsipial
mövqeyinə arxalanan şanlı Azərbaycan Ordusu qısa
müddət ərzində düşmənin qüvvələrini qəti zərbələrlə sıradan çıxardaraq,
Füzuli, Cəbrayıl və Ağdərə rayonlarının işğal altındakı ərazilərinin 2000
hektardan çox hissəsini azad etdi. Uğurlu əməliyyatlar
nəticəsində Talış kəndi istiqamətindəki yüksəkliklər, strateji əhəmiyyətli Lələtəpə
yüksəkliyi düşməndən azad olundu”.
Millət
vəkili N.Həmzəyev deyib ki, Aprel döyüşlərində işğalçı Ermənistan milli birlikdən güc alan, işğalla barışmayan Azərbaycan
xalqının qələbə əzmini görüb. Onun sözlərinə görə, Aprel döyüşləri "Böyük qayıdış” prosesinə
start verilməsi kimi də qəbul edilməlidir. Deputat vurğulayıb ki, Ordumuz gələcəkdə daha böyük zəfərlərə
imza ataraq ölkəmizin ərazi bütövlüyünü bərpa edəcək, tezliklə Prezident İlham Əliyevin rəhbərliyi
ilə işğal altındakı bütün kənd və qəsəbələrimiz Cocuq Mərcanlı kimi yenidən
toy-büsatlı günlərinə qovuşacaq.
Alpər TURAN