Azərbaycan vektoru - sabitlikdən çiçəklənməyə doğru
Azərbaycan
dünyada öncül mövqelərə çıxıb və təkcə sabitliyi ilə yox, həm də dayanıqlı
inkişafı ilə fərqlənən dövlətə çevrilib.
Bunu
Trend-ə Rusiya Dövlət Dumasının deputatı, Rusiya-Azərbaycan parlamentlərarası
dostluq qrupunun rəhbəri Dmitri Savelyev deyib.
D.Savelyevin
sözlərinə görə, Azərbaycan bütün dünyada etibarlı tərəfdaş kimi tanınır:
"Güclü və
çevik siyasət respublikaya eyni zamanda həm Qərb, həm də Şərqlə konstruktiv
münasibətləri saxlamağa və öz maraqlarını bütün beynəlxalq görüşlərdə və
danışıqlarda müdafiə etməyə imkan verir. Azərbaycanın BMT Təhlükəsizlik
Şurasının qeyri-daimi üzvü seçilməsi müstəqil ölkənin xarici siyasət sahəsində ən
böyük nailiyyəti olub”.
Öz növbəsində
Rusiya-Azərbaycan Dostluq Mərkəzinin rəhbəri, politoloq Nataliya Krasovskaya
Trend-ə deyib ki, Azərbaycanda ümumi daxili məhsulun artımı və sabit
makroiqtisadi vəziyyət sayəsində nüfuzlu reytinq agentlikləri və aparıcı
ekspertlər ölkənin "iqtisadi şoklar”dan müdafiəsinin təmin olunduğunu
vurğulayır:
"Qısa
müddət ərzində respublikada sənaye istehsalı 2,7 dəfə, kənd təsərrüfatı 1,5 dəfə
artıb. Eyni zamanda Azərbaycan öz ərzaq təhlükəsizliyini təmin edən nadir ölkələrdən
biridir”.
Ölkənin
beynəlxalq nüfuzu məsələsinə toxunan N.Krasovskaya qeyd edib ki, Azərbaycan
dünyaya qlobal inteqrasiya və milli-mədəni xüsusiyyətlərinin sintezi kimi öz
demokratiya modelini təqdim edib:
"Dünyəvi
dəyərlərə arxalanmaqla Azərbaycan multikulturalizm nümunəsinə çevrilib və
bununla da öz ərazisində bütün xalqlara və dinlərə tam inkişaf etmək imkanı
verib. Bununla yanaşı ölkə öz milli-mədəni zənginliklərini qoruyub saxlayır və
bütün dünyada Azərbaycan mədəniyyəti və incəsənətinin nailiyyətlərini təbliğ
edir”.
Agentliyin
həmsöhbətləri Azərbaycan və Rusiya arasında qarşılıqlı münasibətlər mövzusuna
da toxunublar.
Onlar qeyd ediblər ki, "Şimal-Cənub” layihəsi kimi
qlobal iqtisadi planların reallaşdırılmasında Azərbaycan öz etibarlılığını və
potensialını nümayiş etdirə bilib. İki ölkə arasında əmtəə dövriyyəsi ildən-ilə
artır. Azərbaycana Rusiya investisiyalarının axını çoxalır. Rusiyada Azərbaycan
idxalçılarına öz məhsullarını reallaşdırmaq üçün əlverişli şərait yaradılıb.