• cümə axşamı, 28 mart, 22:09
  • Baku Bakı 13°C

Azərbaycan və Rusiya XİN-ləri arasında məsləhətləşmələr keçirilib - Yenilənib

27.07.18 10:50 544
Azərbaycan və Rusiya XİN-ləri arasında məsləhətləşmələr keçirilib - Yenilənib
Azərbaycan Respublikası və Rusiya Federasiyası Xarici İşlər nazirlikləri arasında fəaliyyət proqramına uyğun olaraq, Bakıda xarici siyasətin informasiya təminatı mövzusunda məsləhətləşmələr keçirilib.

APA-nın xəbərinə görə, məsləhətləşmələrə Azərbaycan tərəfindən XİN-nin mətbuat xidmətinin rəhbəri Hikmət Hacıyev,Rusiya tərəfindən isə XİN-in İnformasiya və mətbuat departamentinin direktoru Mariya Zaxarova rəhbərlik edib.

Görüşdə Azərbaycan və Rusiya arasında əlaqələrin strateji tərəfdaşlıq müstəvisində inkişafından məmnunluq ifadə olunub. Məsləhətləşmələr çərçivəsində kütləvi informasiya vasitələri və sosial şəbəkələrlə iş, rəqəmsal diplomatiya sahəsində əməkdaşlıq məsələləri müzakirə edilibvə qarşılıqlı maraq doğuran sahələrdə təcrübə mübadiləsi aparılıb.

Bu formatda məsləhətləşmələrin davam etdirilməsinin vacibliyi vurğulanıb.
banner

Oxşar Xəbərlər