AZE | RUS | ENG |

Azərbaycan və Rusiya təhsil və humanitar sahələrdə sıx əməkdaşlıq edirlər

Azərbaycan və Rusiya təhsil və humanitar sahələrdə sıx əməkdaşlıq edirlər
Azərbaycan və Rusiya təhsil və humanitar sahələrdə sıx əməkdaşlıq edirlər. Bunu Trend-ə rusiyalı ekspert, siyasi elmlər namizədi Qalina Niyazova deyib.
Onun sözlərinə görə, Azərbaycan postsovet məkanında rus dilinin tədrisinə daha çox diqqət ayıran ölkədir: "Azərbaycanda rus dilinin tədrisi ilə bağlı statistika da bu fikri təsdiq edir. Azərbaycanda 300-dən artıq orta məktəbdə rus dili öyrədilir, eləcə də ali təhsil müəssisələrində rus dilində təhsil mövcuddur. Bu, çox yüksək göstəricidir və Rusiyada çox müsbət qarşılanır. Qeyd etməliyəm ki, ildən-ilə Rusiyanin ali təhsil müəssisələrində oxuyan azərbaycanlı tələbələrin sayı artır”.
Q.Niyazova daha sonra əlavə edib ki, "Əsrin müqaviləsi” sayəsində Azərbaycan zəngin təbii ehtiyatları, keçmiş ittifaq respublikaları arasında daha çox inkişaf edib: "Danılmaz faktdır ki, bu gün Azərbaycanın işrtirakı olmadan regionda nə enerji, nə nəqliyyat, ümumiyyətlə heç bir layihənin icrası mümkün deyil”.
Ekspertin sözlərinə görə, Azərbaycan və Rusiya arasında ikitərəfli münasibətlər artıq uzun onilliklərdir ki, dinamik inkişaf edir. Bu, həm dövlətlər, həm də xalqlar səviyyəsindədir.
Q.Niyazova qeyd edib: "Xoş qonşuluq münasibətləri sayəsində bu gün ticarət, mədəniyyət, humanitar, hərbi-texniki, bir çox digər sahələrdə gözəl əməkdaşlıq nümunələri var. Düşünürəm ki, ölkələrimizin bu mövcud potensialı gələcəkdə daha da artacaq ki, bu da regionunun inkişafına istiqamətlənmiş birgə layihələrin həyata keçirilməsinə müsbət təsirini göstərəcək.
Ekspertin fikrincə, Azərbaycan və Rusiya arasında dostluq dialoqunun möhkəmlənməsi uzun illər ikitərəfli səviyyədə keçirilən ciddi diplomatik işin nəticəsidir.



Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8829
GEL 1 1 Gürcüstan larisi 0.573
GBP 1 1 İngiltərə funt sterlinqi 2.1791
IRR 100 100 İran rialı 0.004
SEK 1 1 İsveç kronu 0.1738
CHF 1 1 İsveçrə frankı 1.7109
KWD 1 1 Küveyt dinarı 5.5993
TRY 1 1 Türkiyə lirəsi 0.289