Bakı 24°C
Azərbaycan Türkiyənin ikinci ən iri qaz ixracatçısına çevrilib
Bu ilin sentyabr ayında Türkiyə 3,680 mlrd. kubmetr təbii qaz idxal edib.
"APA-Economics" Türkiyənin Enerji Bazarının Tənzimlənməsi üzrə Şurasının təqdim etdiyi statistikaya istinadən xəbər verir ki, bu, ötən ilin analoji dövrü ilə müqayisədə 22,4% çoxdur. Ötən ilin sentyabrında qardaş ölkə 3,007 mlrd. kubmetr qaz alıb.
Sentyabrda idxal olunan qazın 3,232 mlrd. kubmetri boru xətləri, 448 mln. kubmetri LNG təsisatları vasitəsilə nəql olunub.
Hesabat dövründə Türkiyə Rusiyadan 2,121 mlrd. kubmetr, Azərbaycandan 519 mln. kubmetr, İrandan isə 518 mln. kubmetr qaz alıb.
Ümumilikdə, 2017-ci ilin yanvar-sentyabr ayları ərzində Azərbaycan Türkiyəyə 4 mlrd. 792,850 mln. kubmetr qaz ixrac edib.
2016-cı ildə Azərbaycan Türkiyəyə 6 mlrd. 479,87 mln. kubmetr qaz ixrac edib.
