Azərbaycan Qaz İxrac Edən Ölkələr Forumunun V Sammitində təmsil olunacaq
Qaz İxrac Edən Ölkələr Forumunun (Gas Exporting Countries Forum-GECF) V Sammitində Azərbaycanı Energetika naziri təmsil edəcək.
Energetika NazirliyindənAZƏRTAC-a bildirilib ki, nazir Pərviz Şahbazov Qaz İxrac edən Ölkələr Forumunun tədbirlərində iştirak etmək məqsədilə Ekvatorial Qvineyaya səfər edib. Noyabrın 28-29-da Ekvatorial Qvineyanın paytaxtı Malaboda Qaz İxrac Edən Ölkələr Forumunun nazirlər görüşü, həmçinin dövlət və hökumət başçılarının V Sammiti keçiriləcək.
Sammitdə qlobal qaz bazarının mövcud vəziyyəti və perspektivlərinin, eləcə də qaz ixrac edən ölkələr arasında əməkdaşlığın inkişafı ilə bağlı məsələlərin müzakirəsi və Bəyannamənin imzalanması nəzərdə tutulur.