AZƏRBAYCANDA KORONAVIRUSLA BAĞLI XƏBƏRLƏR

Deputatlarımız İƏT Parlament İttifaqının iclasında iştirak edəcəklər

Deputatlarımız İƏT Parlament İttifaqının iclasında iştirak edəcəklər

Cəmiyyət
15 Oktyabr 2016, 14:30 766
Milli Məclis sədrinin birinci müavini Ziyafət Əsgərovun başçılığı ilə deputatlar Gövhər Baxşəliyeva və Mirkazım Kazımov İslam Əməkdaşlıq Təşkilatı Parlament İttifaqı (İƏT Pİ) İcraiyyə Komitəsinin 36-cı iclasında iştirak etmək üçün oktyabrın 16-da Türkiyənin paytaxtı Ankaraya səfər edəcəklər.
 
Milli Məclisin mətbuat xidmətindənAPA-ya verilən məlumata görə, tədbirdə İƏT Pİ-nin baş katibinin hesabatı dinləniləcək, qurumun qəbul etdiyi qətnamələrin yerinə yetirilməsi ilə bağlı atılacaq addımlar müzakirə olunacaq.
 
İclasda siyasi məsələlər və xarici əlaqələr, iqtisadi məsələlər və ətraf mühit, insan haqları, qadın və ailə məsələləri, mədəni və hüquqi işlər, sivilizasiyalar və dinlərin dialoqu komitələrinin 5-ci yığıncaqlarının gündəlikləri tərtib olunacaq. Eyni zamanda, Fələstin üzrə daimi komitənin yeddinci yığıncağının və Müsəlman Qadın Parlamentarların altıncı konfransının gündəlikləri qəbul ediləcək.
 
Tədbir iştirakçıları İƏT Parlament İttifaqı Baş komitəsinin 19-cu sessiyasında və qurumun  Konfransının 12-ci sessiyasında baxılacaq məsələləri müəyyənləşdirəcəklər. Yığıncağın sonunda Ankara Bəyannaməsi qəbul ediləcək.
 
Toplantıda Z. Əsgərov çıxış edəcək. O, Azərbaycanla İƏT Parlament İttifaqı arasında əməkdaşlığın inkişafı, bölgədə yaranmış son durum və digər aktual məsələlər barədə  fikirlərini açıqlayacaq.
 
Səfər oktyabrın 19-da başa çatacaq.