AZE | RUS | ENG |

Azərbaycan məhsulu “Ən yaxşı məhsul – 2019” konkursunda Qızıl medalla təltif olunub

Azərbaycan məhsulu “Ən yaxşı məhsul – 2019” konkursunda Qızıl medalla təltif olunub
Qida, içki və onların xammalının istehsalı üzrə hər il təşkil olunan, cari ilin 11-15 fevral tarixlərində isə 26-cısı keçirilən "Prodekspo-2019” sərgisində iştirak edən "Ulduz” Şokolad Fabriki özünün müxtəlif çeşidli məhsullarını sərgiləmək imkanı əldə edib.
 
Azərbaycan qənnadı sektoru üçün uğur hesab oluna biləcək xəbər isə Rusiya Federasiyasında baş tutan tədbir çərçivəsində keçirilən "Ən yaxşı məhsul – 2019” konkursunda fabrikin yeni istehsalı olan "FAVO” taxıllı batonlarının portağallı desert baton çeşidinin minlərlə rəqibini geridə qoyaraq qalib olması və Qızıl medala layiq görülməsidir.
 
İstehsalçıdan verilən məlumata görə, "FAVO”-nun bu mükafata layiq görülməsi onun birbaşa tərkibi ilə bağlıdır. Belə ki, sözügedən taxıllı məhsullar yerli istehsal üçün tamamilə yeni olmaqla yanaşı, həm də natural tərkibli hesab olunur. Tərkibindəki qarğıdalı partlağı, düyü partlağı, yulaf və ən əsası portağal qurusu sayəsində "FAVO” batonları həm ləzzətli, həm də doyumlu məhsullar kateqoriyasına girir. Bu məhsul yüngül qəlyanaltıtipli olmaqla yanaşı, həm də aktiv həyat tərzi keçirən və sağlam qidalanmaq istəyən insanlar üçün nəzərdə tutulub.
 
Qeyd edəki ki, hal-hazırda fabrikdə "FAVO”nun iki çeşidi – şokoladlı və portağallı batonları – istehsal olunmaqdadır, lakin gələcəkdə yeni növ ləzzətlərin artırılması da planlaşdırılır.
 
Artıq 18 ildir ki, "Ulduz” Şokolad Fabriki ölkədə qeyri-neft sektorunun inkişafına, həmçinin ixrac potensialının artırılması ilə daxili iqtisadiyyata öz töhfəsini verməkdədir. Bu gün də müəssisə öz fəaliyyətini bu istiqamətdə uğurla davam etdirməkdədir, belə ki, sözügedən sərgi çərçivəsində Fabrik Rusiya, Belarus, Əfqanıstandan olan yeni şirkətlərlə müqavilələr imzalayıb, bir neçə ölkəylə isə danışıqları davam etdirməkdədir.
 
Məlumat üçün bildirək ki, "Prodekspo – 2019” beynəlxalq sərgisində 69 ölkədən 2242 şirkət, Azərbaycandan isə 30-dan çox firma iştirak edib.

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8952
GEL 1 1 Gürcüstan larisi 0.6128
GBP 1 1 İngiltərə funt sterlinqi 2.1496
IRR 100 100 İran rialı 0.004
SEK 1 1 İsveç kronu 0.1764
CHF 1 1 İsveçrə frankı 1.6853
KWD 1 1 Küveyt dinarı 5.5846
TRY 1 1 Türkiyə lirəsi 0.2775