• cümə axşamı, 28 mart, 15:08
  • Baku Bakı 16°C

Azərbaycan media təmsilçiləri İstanbula səfər edib - Fotolar

14.12.17 16:00 3112
Azərbaycan media təmsilçiləri İstanbula səfər edib - Fotolar
Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) təşkilatçılığı ilə respublikanın aparıcı KİV təmsilçilərindən ibarət 14 nəfərlik nümayəndə heyəti Türkiyənin İstanbul şəhərinə səfər edib.
APA-nın xəbərin görə, nümayəndə heyətinin Türkiyənin informasiya məsələlərinə məsul qurumlarında, aparıcı KİV-lərin redaksiyalarında, o cümlədən, müxtəlif iqtisadi, mədəni yönümlü təşkilatlarda görüşləri nəzərdə tutulub.
Səfər proqramı dekabrın 13-də Heydər Əliyevin İstanbul şəhərindəki abidəsinin ziyarət edilməsi ilə başlayıb.
Sonra Türkiyə Dış Ekonomik İlişkiler Kuruluna (DEİK) gedən Azərbaycan media təmsilçilərini qurumun başqan yardımçısı Cengiz Gül qarşılayıb. O, nümayəndə heyəti ilə görüşdə təmsil etdiyi qurumun dünya ölkələrində, o cümlədən Azərbaycanda gerçəkləşdirdiyi layihələr barədə məlumat verib. DEİK təmsilçisi Azərbaycanla bağlı layihələrdə Naxçıvan Muxtar Respublikasına xüsusi diqqət yetirildiyini də önə çəkib. Azərbaycanın iradəsi ilə gerçəkləşdirilənBakı-Tbilisi-Qarsdəmir yolunun işə düşməsindən sonra qurumun Azərbaycanla bağlı daha böyük layihələri gerçəkləşdirəcəyini bildirib. DEİK təmsilçisi planlaşdırılan layihələrin uğurla tamamlanması üçün medianın verə biləcəyi faydalar barədə fikirlərini bölüşüb.
Türkiyə Seyahat Acentaları Birliyinin xarici əlaqələr üzrə koordinatoru Gülberk Aşyarap və departament rəhbəri Fatih Gönüllə görüşdə Gülbek Aşyarap Azərbaycanla qarşılıqlı turist axınının gücləndirilməsi yönündə layihələndirilən proqramlar barədə məlumat verib. Azərbaycanda ciddi turizm potensialının olduğunu vurğulayan Aşyapar bu sahənin inkişafı üçün qarşılıqlı əlaqələrin gücləndirilməsinin faydalı olduğunu qeyd edib. O, layihələrin uğurla tamamlanması, hər iki ölkədə turizmin inkişaf etməsi üçün medianın dəstəyinə ümid etdiklərini önə çəkib.
Azərbaycan media təmsilçilərinin İstanbula səfər proqramı dekabrın 17-dək davam edəcək.
Məlumat üçün bildirək ki, səfər proqramı Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun "Beynəlxalq media təcrübəsinin öyrənilməsi və tətbiqi" layihəsi çərçivəsində keçirilir. Nümayəndə heyətinin tərkibinə Fondun Müşahidə Şurasının sədri, "Xalq qəzeti”nin baş redaktoru Həsən Həsənov, Jurnalistlərin Həmkarlar İttifaqının sədri, Mətbuat Şurasının sədr müavini Müşfiq Ələsgərli, "İki Sahil" qəzetinin baş redaktoru Vüqar Rəhimzadə, "APAHoldinq"in prezidenti Vüsalə Mahirqızı, "Teleqraf" Media Qrupunun rəhbəri Aynur Camalqızı, "Kür" qəzetinin baş redaktoru Əminə Yusifqızı, "Həftə içi" qəzetinin baş redaktoru Sevinc Seyidova, "Kaspiy" qəzetinin baş redaktoru İlqar Hüseynov, "Bakı xəbər" qəzetinin baş redaktoru Aydın Quliyev, "Xalq cəbhəsi" qəzetinin baş redaktoru Elçin Mirzəbəyli, "Bizim yol" qəzetinin baş redaktoru Bahəddin Həziyev, "Palitra" qəzetinin baş redaktoru Namiq Əliyev, "Mövqe" qəzetinin baş redaktoru Rasim Bayramov, "AzərTAC" İnformasiya Agentliyinin müxbiri Səlim Rəhimzadə daxildir.





banner

Oxşar Xəbərlər