Bakı 23°C
Azərbaycan kubokunu “Keşlə” qazandı
Mayın 28-də Azərbaycan kubokunun final oyunu keçirilib.
Kaspi.az xəbər verir ki, Qəbələ şəhər stadionunda baş tutan matçda "Qəbələ”
və "Keşlə” üz-üzə gəlib. Hər iki komanda indiyə qədər ölkə kubokuna sahib
olmamışdı. "Qəbələ” iki dəfə, "Keşlə” isə ("İnter” adı altında) 4 dəfə həlledici
matça vəsiqə qazansa da, kuboka yiyələnə bilməmişdi.
Cümhuriyyətimizin 100 illik yubileyi günündə keçirilən qarşılaşma Azərbaycandan
növbəti avrokubok mövsümünə qatılacaq sonuncu komandanın adına aydınlıq gəlməsi
baxımından da əhəmiyyətli idi. "Keşlə” bu matçdan qalib ayrılsa, ölkəmizin növbəti
avrokubok mövsümündəki son iştirakçısı olacaqdı. Əks halda isə bu "bilet” ölkə
çempionatını 4-cü pillədə başa vurmuş "Zirə”yə qismət olacaqdı.
Qarşılaşmanın taleyini bir qol həll edib. Pərdis Fərcad-Azadın ikinci hissədə
vurduğu qol "Keşlə"yə həm Azərbaycan Kubokunu, həm də Avropa Liqasına
vəsiqəni qazandırıb.
