AZE | RUS | ENG |

Azərbaycan Kredit Bürosunun Müşahidə Şurasının yeni tərkibi təsdiq edilib

Azərbaycan Kredit Bürosunun Müşahidə Şurasının yeni tərkibi təsdiq edilib
Mayın 14 "Azərbaycan Kredit Bürosu” MMC-nin ümumi yığıncağının iclası keçirilib.
 
Bürodan "APA-Economics”ə verilən xəbərə görə, iclasda gündəlikdə duran məsələlərlə yanaşı təşkilati işlərə də baxılıb və yeni tərkibdə Müşahidə Şurası formalaşdırılması haqqında qərar qəbul edilib.
 
Asəf Hüseynov Müşahidə Şurasının sədri, Şakir Rəhimov, Fərid Məmmədov, Elşən Bədirxanov, Kamran Məcidov, Zamiq Məmmədov, Ahmet Kudret İşler isə Müşahidə Şurasının üzvləri təsdiq edilib. Müşahidə Şurasının yeni tərkibdə ilk iclasında Azərbaycan Respublikası Prezidentinin 4 may 2018-ci il tarixli Qərarı ilə "Kredit Büroları haqqında” Qanuna edilmiş dəyişikliklər müzakirə edilib və normativ aktdan irəli gələn tələblərin təmin edilməsi üçün zəruri tədbirlərin görülməsi qərara alınıb.
 
Kredit tarixçələrini təşkil edən məlumatların daha da zənginləşdirilməsi üçün kommunal xidmətləri göstərən müəssisələrin informasiya sistemlərinin Büro ilə daha sıx inteqrasiyası üçün qarşıda yeni vəzifələr müəyyən edilib. Yekunda Büronun fəaliyyətinin daha da genişləndirilməsi məqsədi ilə yeni məlumat təchizatçılarının və istifadəçilərinin cəlb olunması, eyni zamanda vətəndaşlar tərəfindən Büronun xidmətlərinə əlçatanlığı daha da asanlaşdırmaq üçün qərarlar qəbul edilib.
 
"Azərbaycan Kredit Bürosu” MMC ölkədə fəaliyyət göstərən 8 bankın - "Azərbaycan Beynəlxalq Bankı”, "Bank Respublika”, "Xalq Bank”, "Kapital Bank”, "PAŞA Bank”, "Rabitəbank”, "Unibank” və "Ziraat Bank Azərbaycan” ASC-lərin təşəbbüsü ilə 15 yanvar 2018-ci il tarixində yaradılıb. Büro müştərilərin kredit tarixçəsini təşkil edən məlumatları kredit təşkilatları ilə yanaşı daha geniş mənbələrdən, o cümlədən lizinq, sığorta, kommunal xidmətlər göstərən müəssisələrdən, mobil telefon operatorlarından, borc öhdəliyi ilə bağlı digər  məlumat bazalarından toplanması, saxlanması, təhlili, kredit hesabatlarının formalaşdırılmasını, habelə borcalanlara fərdi reytinqlərin verilməsi və digər əlavə dəyər yaradan xidmətlərin həyata keçirilməsini təmin edən qurumdur.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6848
GBP 1 İngilis funt sterlinqi 2.2728
TRY 1 Türk lirəsi 0.3585
KWD 1 Küveyt dinarı 5.6245
SEK 1 İsveç kronu 0.1940
EUR 1 Avro 1.9906
CHF 1 İsveçrə frankı 1.7133
USD 1 ABŞ dolları 1.7000