Azərbaycan dilçiliyində hadisə
Dünya şöhrətli alim, rus şərqşünaslığının patriarxı, Kazan və
Sankt-Peterburq Universitetlərinin ordinar professoru və Sankt-Peterburq
Universitetində Şərq fakültəsinin ilk dekanı Mirzə Kazımbəyin məşhur
"Türk-tatar dilinin ümumi qrammatikası” əsəri (1839, 1846) "Zərdabi LTD MMC”
nəşriyyatında işıq üzü görüb. İndiyədək tərcüməsinə heç bir alimin cəsarət
etmədiyi Azərbaycan dilinin ilk elmi qrammatikası olan kitabı 178 il sonra rus
dilindən Azərbaycan dilinə Azərbaycan Milli Elmlər Akademiyasının Nəsimi adına
Dilçilik İnstitutunun "Nəzəri diliçilik” şöbəsinin müdiri, filologiya üzrə
elmlər doktoru, professor İdris Abbasov tərcümə edib. Üç hissə və 22 fəsildən
ibarət 1000 səhifədən artıq olan bu nəhəng işin önəmi mütərcimin orijinal
mətnin tərcüməsi ilə yanaşı kitaba öz tədqiq və şərhlərini də əlavə etməsidir.
Bu məqsədlə prof. İ.Abbasov M.Kazımbəydən əvvəl və onun yaşadığı dövrdə rus,
fransız, ingilis, ərəb, italyan, latın, ispan, alman və digər dillərdə yazılmış
fundamental əsərləri müqayisəli tədqiqata cəlb edərək iri miqyaslı və sanballı
tədqiqat işi aparıb.
Elmi ictimaiyyət tərəfindən maraqla qarşılanan və Azərbaycan dilçiliyində mühüm hadisə kimi qiymətləndirilən kitabın məsləhətçisi mərhum dilçi-alim, akademik Tofiq Hacıyev, elmi redaktoru əməkdar elm xadimi, akademik Nizami Cəfərov, redaktorları filologiya üzrə elmlər doktoru, professor Buludxan Xəlilov və AMEA-nın Nəsimi adına Dilçilik İnstitutunun müqayisəli-tarixi və tipoloji dilçilik ixtisası üzrə dissertantı Elnurə Abbasovadır.
Zəngin linqvistik filoloji faktlar təqdim edən irihəcmli mükəmməl əsər tədqiqatlar üçün əvəzsiz mənbədir.
Elmi ictimaiyyət tərəfindən maraqla qarşılanan və Azərbaycan dilçiliyində mühüm hadisə kimi qiymətləndirilən kitabın məsləhətçisi mərhum dilçi-alim, akademik Tofiq Hacıyev, elmi redaktoru əməkdar elm xadimi, akademik Nizami Cəfərov, redaktorları filologiya üzrə elmlər doktoru, professor Buludxan Xəlilov və AMEA-nın Nəsimi adına Dilçilik İnstitutunun müqayisəli-tarixi və tipoloji dilçilik ixtisası üzrə dissertantı Elnurə Abbasovadır.
Zəngin linqvistik filoloji faktlar təqdim edən irihəcmli mükəmməl əsər tədqiqatlar üçün əvəzsiz mənbədir.