AZE | RUS | ENG |


Azərbaycan Dağlıq Qarabağ münaqişəsinin nizamlanması ilə bağlı substantiv danışıqlara hazırdır

Azərbaycan Dağlıq Qarabağ münaqişəsinin nizamlanması ilə bağlı substantiv danışıqlara hazırdır
Azərbaycanın xarici işlər naziri Elmar Məmmədyarovun Trend-ə müsahibəsi

- Sankt-Peterburq görüşündən etibarən Ermənistan tərəfi görüşlərdən qaçır və destruktiv siyasət yürüdür. Hamburqda və Münhendə Ermənistanın xarici işlər naziri aşkar şəkildə rəsmi görüşlərə qatılmadı. Ümumiyyətlə, münaqişənin həlli prosesi haqqında nə demək olar?
- Rusiya Prezidenti Vladimir Putinin dəvəti və təşəbbüsü əsasında keçirilmiş Sankt-Peterburq görüşündə prezidentlər səviyyəsində münaqişənin həlli ilə bağlı əsaslı müzakirələr aparıldı. Bu danışıqlar mahiyyət etibarilə işğala əsaslanan status-kvonun dəyişdirilməsini nəzərdə tuturdu. Bu ilin əvvəlində Moskvaya işgüzar səfər çərçivəsində Rusiyanın xarici işlər naziri Sergey Lavrov ilə görüş oldu. ATƏT-in Minsk qrupunun həmsədrləri yeni tərkibdə regiona səfər etdilər və tərəflərin mövqelərini dinlədilər. Sankt-Peterburq görüşündə müzakirə olunduğu kimi, münaqişənin həllində irəliləyişə nail olmaq üçün atılmalı olan addımlar və həyata keçirilməli olan plan hər kəsə çox yaxşı bəllidir. Ermənistan silahlı qüvvələrinin Azərbaycanın işğal olunmuş ərazilərində mövcudluğu və hərbi işğal faktı münaqişənin həllində ən başlıca maneədir. Ona görə də işğal faktı aradan qaldırılmalıdır. İşğal faktının aradan qaldırılması ilə dəyişəcək status-kvo şəraitində tamamilə yeni mühitdə davamlı sülhü təmin etmək üçün danışıqları davam etdirə bilərik. Ermənistan görüşlərdən qaçmaqla üzərinə düşən öhdəlikləri yerinə yetirməməyə və status-kvonu olduğu kimi saxlamağa çalışır. Eyni zamanda Ermənistan qəsdən vəziyyəti gərginləşdirmək, texniki məsələləri önə çəkərək əsas mahiyyətdən yayınmaq siyasətini davam etdirir. Ermənistanın artıq bəhanə etmək üçün heç bir manevr imkanı qalmayıb. Ermənistanın bəhanə etdiyi seçkilər də birtəhər başa çatdı.

- Qarşıdan gələn Moskva görüşündən gözləntilər nədən ibarətdir?
- Moskva görüşünün Sankt-Peterburqda prezidentlər səviyyəsində aparılmış mahiyyətli danışıqların davamı olacağına ümidvar olmaq istəyirik. Artıq sözdən əmələ keçmək vaxtıdır. Dəfələrlə bəyan etdiyimiz kimi, Azərbaycan substantiv danışıqlara hazırdır.



Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0046
GEL 1 Gürcü larisi 0.7028
GBP 1 İngilis funt sterlinqi 2.1620
TRY 1 Türk lirəsi 0.4850
KWD 1 Küveyt dinarı 5.6049
SEK 1 İsveç kronu 0.1947
EUR 1 Avro 1.8999
CHF 1 İsveçrə frankı 1.7536
USD 1 ABŞ dolları 1.7022