Bakı 22°C
Azərbaycan bütün dost ölkələri Qarabağda quruculuq prosesində iştirak etməyə çağırır
Azərbaycan 30 ilə yaxın dövrdə haqq səsini dünyaya çatdırmaq üçün bütün imkanlarını səfərbər etdi, ən yüksək tribunalardan Ermənistanın işğalçılıq siyasətini pislədi, dünyanın aparıcı dövlətlərinə və nüfuzlu beynəlxalq təşkilatlara çağırış etdi ki, həqiqətlərə həqiqət gözü ilə baxmaq zamanıdır. Ulu öndər Heydər Əliyevin siyasi kursunu son 17 ildə uğurla davam etdirən Prezident İlham Əliyev bütün platformalarda Azərbaycanın milli maraqlarını prinsipiallıqla müdafiə edir. Müzəffər Ali Baş Komandanın rəhbərliyi ilə Azərbaycan Ordusunun 44 gündə yazdığı şanlı tarix bir daha təsdiqlədi ki, hadisələrə ən böyük dəyəri zaman özü verir, ən əsası, Azərbaycan Prezidenti nəyi necə, nə vaxt etmək lazım olduğunu yaxşı bilir. Otuz il sahibini gözləyən torpaqlarımıza qayıtmaq üçün gücləndik, tarixi həqiqətlərə əsaslanan təbliğatımız sayəsində münaqişənin həlli üçün möhkəm hüquqi baza yaratdıq.
Bu fikirləriAZƏRTAC-a açıqlamasında Milli Məclisin deputatı Malik Həsənov bildirib.
"Artıq tam əminliklə deyə bilərik ki, Qarabağ münaqişəsi öz həllini tapıb. Azərbaycan tarixi Zəfər qazanıb və erməni vəhşiliklərinin şahidi olan dağıdılmış ərazilərimizdə bərpa işləri başlayıb” söyləyən deputat qeyd edib ki, Prezident İlham Əliyev aprelin 8-də İslam Əməkdaşlıq Təşkilatının Baş katibi Yusif bin Əhməd əl-Osaymini qəbul edərkən bir daha diqqəti 44 günlük İkinci Qarabağ müharibəsinə aparan yola, tarixi Zəfərimizə yönəldərək bildirdi ki, bir milyondan çox azərbaycanlının iztirabına, şəhər və kəndlərimizin tamamilə dağıdılmasına gətirib çıxaran işğala son qoyuldu. M.Həsənov qeyd edib: "Bu ərazilərimizdə bütün evlər, tarixi və dini abidələrimiz yerlə-yeksan edilib. Təbiətə qarşı ekoloji terror törədilib. Postmüharibə dövründə əcnəbi jurnalistlər və diplomatlar işğaldan azad olunmuş ərazilərə səfər edərək ermənilərin necə vəhşiliklər törətdiklərini gözləri ilə görürlər. Mənfur düşmənin tarixi və dini məkanları, məscidləri, qəbiristanlıqları dağıtması islamofobiyanın, Azərbaycanofobiyanın, vandalizmin təzahürüdür. Bu gün Azərbaycanın məqsədi atdığımız addımların haqq işi olduğunu, beynəlxalq hüquqa və ədalətə əsaslandığını dünyanın diqqətinə çatdırmaqdır. Otuz ilə yaxın müddətdə kağız üzərində qalan BMT Təhlükəsizlik Şurasının qətnamələri 44 gündə icra edildi. Ermənistana və ona havadarlıq edən dövlətlərə beynəlxalq hüquq deyilən məfhumun mövcudluğu və onun icrası üçün vahid mexanizmin müəyyənləşdirilməsinə ehtiyacın olduğu çatdırıldı”.
İndi bərpa, quruculuq dövrü olduğunu deyən deputat vurğulayıb: "Azərbaycan bütün dost ölkələri bu prosesdə iştirak etməyə çağırır. Dövlətimizin başçısı İlham Əliyev qeyd etdiyi kimi, hazırda ən böyük problem minalardır. Ermənistan minalanmış sahələrin xəritəsini verməyib. Bu, daha bir müharibə cinayətidir. Amma yenə də müşahidə etdiyimiz real mənzərə budur ki, dünyanın aparıcı dövlətləri, nüfuzlu beynəlxalq təşkilatlar susmaqda davam edirlər. Belə susmaların 30 ilə yaxın dövrdə hansı faciələrə yol açdığını bilərəkdən yenə də seyrçi mövqedə dayanmaq həmin dövlətlər üçün beynəlxalq hüququn arxa plana keçdiyinə işıq salır. Lakin Azərbaycan yenə də bu yanaşmalara görə ruhdan düşmür, tarixi torpaqlarına qayıtdığı üçün qürur duyur, minatəmizləmə prosesini uğurla həyata keçirərək yenidənqurma işlərini planlaşdırır. Şəhərlərin, kəndlərin baş planları artıq hazırlanma prosesindədir. Dövlətimizin başçısı İlham Əliyev İslam dünyasını ermənilərin bizim tarixi irsimizə nə etdiklərini və yenidənqurma prosesini görməyə çağırır”.
Bəzi müsəlman ölkələrinin Ermənistana dost ölkə dediyini qeyd edən M.Həsənov deyib: "Müsəlmanları, dinimizi təhqir edən işğalçı dövlətə dost demək narahatlıq doğurur. Onların "dost” deyib səmimiyyət qurduqları ölkəyə rəhbərlik etmiş cəlladlar məscidlərimizi dağıdıblar. İşğalçı dövlət bunlara görə cavab verəcək. Prezident İlham Əliyev bu əminliyi də ifadə edir ki, bu məscidlər bərpa ediləcək, vətəndaşlar gəlib burada ibadət edəcək, buradan azan səsi gələcək, bu torpaqlara həyat qayıdacaq”.
Vətən müharibəsindən 5 ay keçməsinə baxmayaraq, dövlətimizin başçısı, Müzəffər Ali Baş Komandan İlham Əliyevin ünvanına təbrik məktublarının gəlməkdə davam etdiyini bildirən deputat diqqətə çatdırıb ki, həmçinin keçirilən görüşlərdə, videoformat şəklində beynəlxalq əhəmiyyətli tədbirlərdə Azərbaycanın tarixi Qələbəsi münasibətilə Prezident İlham Əliyevə təbriklər çatdırılır, Zəfərimizdə rolu yüksək dəyərləndirilir. Bu, Azərbaycanın ərazi bütövlüyünün beynəlxalq səviyyədə dəstəklənməsindən, Ermənistanın işğalçı siyasətinin pislənməsindən, haqqın-ədalətin qalib gəlməsindən yaranan ruh yüksəkliyindən xəbər verir. İslam Əməkdaşlıq Təşkilatının Baş katibi Yusif bin Əhməd əl-Osayminin "Cənab Prezident, bu böyük Qələbə münasibətilə Sizi təbrik edirəm. Bu, yalnız Sizin deyil, bizim də qələbəmizdir və biz çox xoşbəxtik. Mən Sizin liderliyinizi və səbir nümayiş etdirməyinizi təqdir edirəm. Siz 30 il ərzində torpaqların işğalı məsələsində təmkinlə davrandınız, bunun başqa bir ölkədə ola biləcəyinə inanmıram. Sizin məsələniz haqq işi idi – torpaqlar sizin idi, beynəlxalq hüquq tərəfinizdə idi” fikirləri də bu dəyərin aydın ifadəsidir”, - deyə Malik Həsənov bildirib.
Deputat Zəfərimizin Azərbaycanın qarşısında geniş imkanlar açdığını önə çəkərək, əminliyini ifadə edib ki, əməkdaşlığın daha da möhkəmlənməsi, yeni formatların yaradılması fonunda bölgədə daimi sülh və təhlükəsizlik təmin ediləcək, iqtisadi əlaqələr genişlənəcək, işğaldan azad olunmuş torpaqlarımızın potensial imkanları ölkəmizə investisiya axınını sürətləndirəcək.
Bu fikirləriAZƏRTAC-a açıqlamasında Milli Məclisin deputatı Malik Həsənov bildirib.
"Artıq tam əminliklə deyə bilərik ki, Qarabağ münaqişəsi öz həllini tapıb. Azərbaycan tarixi Zəfər qazanıb və erməni vəhşiliklərinin şahidi olan dağıdılmış ərazilərimizdə bərpa işləri başlayıb” söyləyən deputat qeyd edib ki, Prezident İlham Əliyev aprelin 8-də İslam Əməkdaşlıq Təşkilatının Baş katibi Yusif bin Əhməd əl-Osaymini qəbul edərkən bir daha diqqəti 44 günlük İkinci Qarabağ müharibəsinə aparan yola, tarixi Zəfərimizə yönəldərək bildirdi ki, bir milyondan çox azərbaycanlının iztirabına, şəhər və kəndlərimizin tamamilə dağıdılmasına gətirib çıxaran işğala son qoyuldu. M.Həsənov qeyd edib: "Bu ərazilərimizdə bütün evlər, tarixi və dini abidələrimiz yerlə-yeksan edilib. Təbiətə qarşı ekoloji terror törədilib. Postmüharibə dövründə əcnəbi jurnalistlər və diplomatlar işğaldan azad olunmuş ərazilərə səfər edərək ermənilərin necə vəhşiliklər törətdiklərini gözləri ilə görürlər. Mənfur düşmənin tarixi və dini məkanları, məscidləri, qəbiristanlıqları dağıtması islamofobiyanın, Azərbaycanofobiyanın, vandalizmin təzahürüdür. Bu gün Azərbaycanın məqsədi atdığımız addımların haqq işi olduğunu, beynəlxalq hüquqa və ədalətə əsaslandığını dünyanın diqqətinə çatdırmaqdır. Otuz ilə yaxın müddətdə kağız üzərində qalan BMT Təhlükəsizlik Şurasının qətnamələri 44 gündə icra edildi. Ermənistana və ona havadarlıq edən dövlətlərə beynəlxalq hüquq deyilən məfhumun mövcudluğu və onun icrası üçün vahid mexanizmin müəyyənləşdirilməsinə ehtiyacın olduğu çatdırıldı”.
İndi bərpa, quruculuq dövrü olduğunu deyən deputat vurğulayıb: "Azərbaycan bütün dost ölkələri bu prosesdə iştirak etməyə çağırır. Dövlətimizin başçısı İlham Əliyev qeyd etdiyi kimi, hazırda ən böyük problem minalardır. Ermənistan minalanmış sahələrin xəritəsini verməyib. Bu, daha bir müharibə cinayətidir. Amma yenə də müşahidə etdiyimiz real mənzərə budur ki, dünyanın aparıcı dövlətləri, nüfuzlu beynəlxalq təşkilatlar susmaqda davam edirlər. Belə susmaların 30 ilə yaxın dövrdə hansı faciələrə yol açdığını bilərəkdən yenə də seyrçi mövqedə dayanmaq həmin dövlətlər üçün beynəlxalq hüququn arxa plana keçdiyinə işıq salır. Lakin Azərbaycan yenə də bu yanaşmalara görə ruhdan düşmür, tarixi torpaqlarına qayıtdığı üçün qürur duyur, minatəmizləmə prosesini uğurla həyata keçirərək yenidənqurma işlərini planlaşdırır. Şəhərlərin, kəndlərin baş planları artıq hazırlanma prosesindədir. Dövlətimizin başçısı İlham Əliyev İslam dünyasını ermənilərin bizim tarixi irsimizə nə etdiklərini və yenidənqurma prosesini görməyə çağırır”.
Bəzi müsəlman ölkələrinin Ermənistana dost ölkə dediyini qeyd edən M.Həsənov deyib: "Müsəlmanları, dinimizi təhqir edən işğalçı dövlətə dost demək narahatlıq doğurur. Onların "dost” deyib səmimiyyət qurduqları ölkəyə rəhbərlik etmiş cəlladlar məscidlərimizi dağıdıblar. İşğalçı dövlət bunlara görə cavab verəcək. Prezident İlham Əliyev bu əminliyi də ifadə edir ki, bu məscidlər bərpa ediləcək, vətəndaşlar gəlib burada ibadət edəcək, buradan azan səsi gələcək, bu torpaqlara həyat qayıdacaq”.
Vətən müharibəsindən 5 ay keçməsinə baxmayaraq, dövlətimizin başçısı, Müzəffər Ali Baş Komandan İlham Əliyevin ünvanına təbrik məktublarının gəlməkdə davam etdiyini bildirən deputat diqqətə çatdırıb ki, həmçinin keçirilən görüşlərdə, videoformat şəklində beynəlxalq əhəmiyyətli tədbirlərdə Azərbaycanın tarixi Qələbəsi münasibətilə Prezident İlham Əliyevə təbriklər çatdırılır, Zəfərimizdə rolu yüksək dəyərləndirilir. Bu, Azərbaycanın ərazi bütövlüyünün beynəlxalq səviyyədə dəstəklənməsindən, Ermənistanın işğalçı siyasətinin pislənməsindən, haqqın-ədalətin qalib gəlməsindən yaranan ruh yüksəkliyindən xəbər verir. İslam Əməkdaşlıq Təşkilatının Baş katibi Yusif bin Əhməd əl-Osayminin "Cənab Prezident, bu böyük Qələbə münasibətilə Sizi təbrik edirəm. Bu, yalnız Sizin deyil, bizim də qələbəmizdir və biz çox xoşbəxtik. Mən Sizin liderliyinizi və səbir nümayiş etdirməyinizi təqdir edirəm. Siz 30 il ərzində torpaqların işğalı məsələsində təmkinlə davrandınız, bunun başqa bir ölkədə ola biləcəyinə inanmıram. Sizin məsələniz haqq işi idi – torpaqlar sizin idi, beynəlxalq hüquq tərəfinizdə idi” fikirləri də bu dəyərin aydın ifadəsidir”, - deyə Malik Həsənov bildirib.
Deputat Zəfərimizin Azərbaycanın qarşısında geniş imkanlar açdığını önə çəkərək, əminliyini ifadə edib ki, əməkdaşlığın daha da möhkəmlənməsi, yeni formatların yaradılması fonunda bölgədə daimi sülh və təhlükəsizlik təmin ediləcək, iqtisadi əlaqələr genişlənəcək, işğaldan azad olunmuş torpaqlarımızın potensial imkanları ölkəmizə investisiya axınını sürətləndirəcək.
