"Ayaks"ın futbolçusu oyun zamanı huşunu itirib
Niderlandın "Ayaks" futbol klubunun yarımmüdafiəçisi Abdelhak Nuri Almaniyanın "Verder" klubuna qarşı yoxlama oyununun ikinci hissəsində yerə yıxılaraq huşunu itirib.
Trend-in məlumatına görə, oyunçuya 15 dəqiqəyə yaxın meydanda yardım göstərilib, lakin daha sonra Nurini helikopter xəstəxanaya aparıb.
Hazırda Nuri reanimasiya şöbəsindədir və onun həyatı üçün təhlükə yoxdur.