Bakı 25°C
Avtomobil bazarında durğunluq - Ekspertdən pessimist proqnoz
Azərbaycanda avtomobil bazarında ciddi bir dəyişiklik yoxdur. Hər ilin sonunda və əvvəlində adətən avtomobil bazarında bir durğunluq müşahidə olunur. Bu il də ona oxşar vəziyyətdir.
Kaspi.az xəbər verir ki, bunu əmlak məsələləri üzrə ekspert Ramil Osmanlı deyib.
R.Osmanlı bildirib ki, pandemiya və digər səbəblərdən yaranmış tendensiyanı da bura əlavə etsək, avtomobil bazarında durğunluq müşhidə olunur. Ekspert bildirib ki, bu vəziyyətin nə qədər davam edəcəyini də proqnozlaşdırmaq hələki mümkün deyil:"Yəqin ki, qarşıdakı aylarda vəziyyətin təhlil olunması üçün imkan və şərait yaranacaq. Ancaq yaxın bir-iki ayda vəziyyətin müsbətə doğru dəyişəcəyini söyləmək çətindir”. (Trend)
