Avropa Şurasında yerli idarəetmələr müzakirə olundu
Strasburqda Avropa Şurası
Yerli və Regional Hakimiyyətlər Konqresinin 35-ci plenar sessiyası başa çatıb.
Sessiya Avropa, o cümlədən Azərbaycandan gələn yerli hakimiyyətlər
orqanlarının nümayəndələrini bir araya gətirib.
Payız sessiyasının
yekunları barədə Azərbaycanın
Yerli və Regional Hakimiyyətlər Orqanlarını təmsil edən Milli nümayəndə heyətinin
üzvü, Azərbaycan Qəsəbə Bələdiyyələri Milli Assosiasiyasının sədri, M.Ə.Rəsulzadə
bələdiyyəsinin sədri Hümbət Hüseynov məlumat verib.
Noyabrın 5-dən 8-nə kimi davam edən
sessiya Avropa Xartiyasının qəbul edilməsinin 30-cu ildönümünə həsr olunub. Sessiyanın gündəlik məsələlərinin
sırasında bütün avropalılar üçün ümumi sayılan regional demokratiyanın
inkişafının problemləri qaldırılıb. Konqres tərəfindən korrupsiya ilə mübarizə,
regionların maliyyə müstəqilliyinin təminatı, hakimiyyət nümayəndələrinin
davranış kodeksi və digər mövzulara dair qəbul edilmiş qətnamələri bütün Avropa ölkələrinə regional
səviyyədə tətbiq edilməyi tövsiyyə edilib.
35-ci sessiyasının iştirakçıları həmçinin
yerli və mərkəzi hakimiyyətlər arasında qanunvericilik səviyyəsində
məsləhətləşmələrin möhkəmləndirilməsinə dair qətnamə qəbul ediblər. Büdcənin formalaşdırılmasında yerli özünüidarəetmə
orqanlarının iştirakı ərazilərin uğurlu inkişafının tərkib hissəsidir. Məhz bu
tələb 1985-ci ildə yerli ozünüidarə haqqında Avropa Xartiyasının
icrasına, o cümlədən yerli hakimiyyətlər orqanlarının keyfiyyətli və effektiv fəaliyyətinə
aiddir.
Sessiyanın gedişatı zamanı Avropa
ölkələrinin nümayəndələri bir sıra ölkələrin yaralı problemlərindən biri olan
korrupsiya, yerli özünüidarəetmə orqanlarında korrupsiyanın qarşısının alınması
yolları haqqında təqdimat keçirib. Həmçinin gənc nümayəndələr tərəfindən
2018-ci ilə dair layihələrin prezentasiyaları təqdim olunub.
Sessiyanın birinci günü İsveç
siyasətçi Andres Knap Konqresin yeni Prezidenti seçilib. Yeni seçilmiş sədr
vurğulayıb ki, Konqres yerli demokratiyanı müdafiə etməli olan bir siyasi
orqandır. Burada hakimiyyətləri deyil, şəhər və regionların vətəndaşlarını təmsil
edirlər.