AZE | RUS | ENG |

Avropa Şurası yeni layihəsini təqdim edəcək

Avropa Şurası yeni layihəsini təqdim edəcək
“Azərbaycanda ədliyyə islahatlarına dair təşəbbüslərə dəstək” adlı layihənin ümumu məqsədi ölkədə ədliyyə islahatlarına dəstək vermək və insan hüquqlarının icrasını yaxşılaşdırmaqdır

Bakıda Avropa Şurası ABŞ Dövlət Departamentinin Beynəlxalq Narkotik və Hüquq Mühafizə Məsələləri üzrə Bürosu (INL) tərəfindən maliyyələşdirilən "Azərbaycanda ədliyyə islahatlarına dair təşəbbüslərə dəstək” adlı yeni Layihənin təqdimat konfransını keçirəcək.
 
Layihənin ümumu məqsədi Azərbaycanda ədliyyə islahatlarına dəstək vermək və insan hüquqlarının icrasını yaxşılaşdırmaqdır. Layihənin əsas vəzifələri insan hüquqlarının müdafiəsinə yönəlmiş milli fəaliyyət planlarının hazırlanması və həyata keçirilməsində Azərbaycana yardım etmək, cinayət qanunvericiliyini Avropa və beynəlxalq insan hüquqları normalarına uyğunlaşdırmaq, hüquqşünasların və milli qurumların potensialının artırılmasına dəstək vermək və təlim-tədris tədbirlərini təşkil etməkdir. 

Proqram 31 dekabr 2018-ci ilədək davam edəcək. Layihənin ümumi büdcəsi 400 000 ABŞ dollarıdır. Layihə Avropa Şurasının İnsan Hüquqlarının Milli Səviyyədə İcrası Bölməsi (DG1) tərəfindən həyata keçirilir. 
 
Xatırladaq ki, təqdimat 14 fevral 2018-ci il tarixdə yerli vaxtla saat 09:30-da, Bakı şəhəri, Azadlıq prospekti 1B ünvanında yerləşən Hilton Baku Otelində keçiriləcək. Təqdimat zamanı ingilis-azərbaycan dillərində sinxron tərcümə təmin ediləcək. Tədbirdə iştirak etmək istəyən media nümayəndələrinin əvvəlcədən akkreditasiyası tələb olunur. Media akkreditasiyası Avropa Şurasının Bakıdakı Ofisi vasitəsilə həyata keçirilir. Akkreditasiya üzrə əlaqələndirici şəxs: Vəfa RÖVŞƏNOVA, Vafa.Rovshanova@coe.int, +994 12 599 11 62 və +994 12 599 11 63 (daxili 17)


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0038
GEL 1 Gürcü larisi 0.6891
GBP 1 İngilis funt sterlinqi 2.3714
TRY 1 Türk lirəsi 0.4488
KWD 1 Küveyt dinarı 5.6678
SEK 1 İsveç kronu 0.2089
EUR 1 Avro 2.0914
CHF 1 İsveçrə frankı 1.8180
USD 1 ABŞ dolları 1.7001