AZE | RUS | ENG |

Avropa Gimnastika İttifaqının prezidenti Fərid Qayıbov Bakıda bədii gimnastika üzrə Avropa çempionatının açılışını elan edib

Avropa Gimnastika İttifaqının prezidenti Fərid Qayıbov Bakıda bədii gimnastika üzrə Avropa çempionatının açılışını elan edib
Bu gün Bakıda Milli Gimnastika Arenasında bədii gimnastika üzrə 35-ci Avropa Çempionatı start götürüb.
Trend-in məlumatına görə, Avropa Gimnastika İttifaqının (UEG) prezidenti Fərid Qayıbov çempionatın açılışını elan edib.
F.Qayıbov çıxışında deyib: "Avropa Gimnastika İttifaqı adından hamızını salamlayıram. Artıq 4-cü dəfədir ki, Azərbaycanda bədii gimnastika üzrə Avropa Çempionatı keçirilir. Həmişə olduğu kimi bu dəfə də yarışlar ən yüksək səviyyədə təşkil olunub. Buna görə Azərbaycan Gimnastika Federasiyasının Prezidenti Mehriban xanım Əliyevaya, təşkilat komitəsinin üzvlərinə, könüllülərə öz dərin minnətdarlığımı bildirirəm".
Qeyd edək ki, 16-19 may tarixlərində keçiriləcək bədii gimnastika üzrə 35-ci Avropa Çempionatında fərdi proqramda böyük gimnastlar, qrup hərəkətləri proqramında isə gənc komandalar çıxış edəcəklər.
Yarışların ilk gününə gənclərdən ibarət qrup hərəkətləri komandalarının çıxışları ilə başlanılacaq. 17 may tarixində isə yalnız böyük gimnastlar xalça üzərində öz güclərini sınayacaqlar. Çempionatın 3-cü günü artıq komanda hesabında (böyük gimnastlar və gənc komandaların ortaq xalları əsasında) və qrup komandalarının çoxnövçülük yarışlarında qaliblərin adları açıqlanacaq. Və turnirin son günü ayrı-ayrı alətlər üzrə Avropanın ən yaxşı gimnastlarının adları məlum olacaq.

Çempionatda 35 ölkədən gimnastların iştirakı gözlənilir.
Azərbaycanı Avropa çempionatında yeniyetmələr arasında Nəzrin Cəfərzadə, Eleonora Yusifova, Ləman Əlimuradova, Fəridə Səfiyarzadə, Mədinə Əsədova, Selcan Hacızadə, Milana Əkbərovadan ibarət komanda təmsil edir.



Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8816
GEL 1 1 Gürcüstan larisi 0.5812
GBP 1 1 İngiltərə funt sterlinqi 2.0788
IRR 100 100 İran rialı 0.004
SEK 1 1 İsveç kronu 0.1756
CHF 1 1 İsveçrə frankı 1.7256
KWD 1 1 Küveyt dinarı 5.5885
TRY 1 1 Türkiyə lirəsi 0.2946