“Atletiko” “Barselona”dan FİFA-ya şikayət etdi
Madrid "Atletiko”su "Barselona”nı qaydaları pozmaqda ittiham edib.
Kaspi.az xəbər verir ki, "Atletiko” "Barsa”dan FİFA-ya şikayət edib.
"Hindular” hesab edirlər ki, "Barsa” Antuan Qrizmannla əlaqə qurmaqla, transfer
qaydalarını pozublar.
Madrid klubu "Barsa”nın idman direktoru Gilermo Amorun sözlərindən
sonra FİFA-ya üz tutub. Amor mətbuata verdiyi açıqlamada Qrizmannla əlaqə
qurduqlarını etiraf etmişdi.
Bir müddət əvvəl "Mundo Deportivo” məlumat yaymışdı ki, Qrizmannın
"Barsa” ya transferi de-fakto həll olunub.