ATƏT PA-nın iclasında Helsinki Bəyannaməsi qəbul edilib

Sənəddə üzv ölkələrin ərazi bütövlüyünə dəstək ifadə olunur

ATƏT Parlament Assambleyasının plenar iclasında Helsinki Bəyannaməsi qəbul edilib.
APA-nın məlumatına görə, Ermənistan nümayəndə heyəti sənədin əleyhinə səs verib. Onlar ATƏT ərazisində həlli uzanan münaqişələrin tez bir zamanda həlli istiqamətində səylərin artırılması və üzv ölkələrin ərazi bütövlüyü və suverenliyinə hörməti əks etdirən 4-cü paraqrafa etiraz ediblər. Həmçinin onlar Rusiya nümayəndə heyəti olmadan Bəyannaməyə Rusiya-Ukrayna məsələsi ilə bağlı maddənin salınmasını etirazla qarşılayıblar.
Azərbaycan nümayəndə heyəti Bəyannamənin lehinə səs verib.