• cümə, 29 Mart, 03:53
  • Baku Bakı 7°C

Atəşkəsin pozulması nəticəsində yaralanan və şəhid olan Azərbaycan hərbçilərinin sayı açıqlanıb

26.02.20 12:37 772
Atəşkəsin pozulması nəticəsində yaralanan və şəhid olan Azərbaycan hərbçilərinin sayı açıqlanıb
Ermənistanla Azərbaycan arasında atəşkəs elan olunduqdan sonra ermənilər tərəfindən atəşkəsin pozulması nəticəsində yaralanan və şəhid olan Azərbaycan hərbçilərinin sayı açıqlanıb.
Trend-in məlumatına görə, Hərbi Prokurorluğun xüsusi istintaq şöbəsinin rəisi Emil Tağıyev Xocalı soyqırımının 28-ci ildönümü ilə əlaqədar olaraq Xarici İşlər Nazirliyi ilə Baş Prokurorluğun birgə mətbuat konfransında deyib ki, atəşkəs dövründə 856 şəhid və yaralanan hərbçimiz var.
E.Tağıyev deyib ki, Ermənistanın insanlıq əleyhinə cinayətləri nəticəsində 10 minə yaxın soydaşımız öldürülüb, 20 mindən artıq şəxs yaralanıb, 5 mindən çox insan əsir və girov götürülüb. Xocalı, Qaradağlı və digər yaşayış məntəqələrində insanlıq əleyhinə törədilmiş cinayətlər üzrə 305 şəxsin Cinayət Məcəlləsinin soyqırımı, deportasiya və digər maddələrlə nəzərdə tutulan cinayətləri sübuta yetirilib, cinayət məsuliyyətinə cəlb edilməsi barədə qərar qəbul edilib:
"Həmin şəxslərdən Arsen Baqdasaryan, Karen Dasaryan isə Qazaxda cinayət məsuliyyətinə cəlb edilib. Hazırda Dağlıq Qarabağ və Azərbaycanın işğal olunmuş digər ərazilərində müharibə cinayətlərinin araşdırılması, zərər dəymiş şəxslərin tam dairəsinin müəyyən edilməsi, həmin cinayətlərdə iştirak etmiş digər şəxslərin cinayət məsuliyyətinə cəlb olunması istiqamətində işlər davam etdirilir”.
banner

Oxşar Xəbərlər