AŞPA həmməruzəçilərinin Azərbaycana səfəri başlayıb

AŞPA-nın Monitorinq komitəsinin Azərbaycan üzrə həmməruzəçiləri Stefan Şennak və Sezar Florin Preda Azərbaycana gəlib.

Bu barədəAPA-ya Avropa Şurasının Bakı nümayəndəliyindən məlumat verilib.

Yanvarın 14-dək davam edəcək səfər zamanı onlar Azərbaycan prezidenti, parlamentin spikeri, ədliyyə və daxili işlər nazirləri, Prezident Administrasiyasının rəhbəri, Ali Məhkəmənin sədri, baş prokuror, Vəkillər Kollegiyasının rəhbəri və AzərbaycanınAŞPA-dakı nümayəndə heyətinin üzvləri ilə görüşəcəklər.

Həmməruzəçilərin vətəndaş cəmiyyətinin təmsilçiləri, parlamentdə təmsil olunmayansiyasi partiyaların üzvləri ilə görüşləri də nəzərdə tutulur.