Arzu Rəhimov Cəlilabadda vətəndaşları qəbul edib
Azərbaycan Respublikası Səfərbərlik və Hərbi Xidmətə
Çağırış üzrə Dövlət Xidmətinin rəisi general-leytenant Arzu Rəhimov Cəlilabad
rayonunda Cəlilabad, Masallı və Biləsuvar rayonlarının sakinlərinin qəbulunu həyata
keçirib.
Qəbulda 35 vətəndaş iştirak edib. Vətəndaşların
müraciətləri daha çox Xidmətin aidiyyəti şöbə, bölmələrində işə və ya həqiqi hərbi
xidmətə qəbul, övladlarının hərbi xidmətə göndərilməsinə və təkrar tibbi müayinəyə
cəlb olunmalarına köməklik göstərilməsi, eləcə də övladlarının gələcək xidmət
yerinin müəyyənləşdirilməsinə dair olub. Qəbul zamanı irəli sürülən bəzi məsələlər
yerindəcə həllini tapıb, qanunvericiliyin tələbləri vətəndaşlara izah edilib.
Araşdırılması tələb olunan müraciətlər nəzarətə götürülüb və müvafiq
araşdırmalardan sonra cavablandırılacağı bildirilib.
Vətəndaşların Xidmətin fəaliyyət istiqamətinə aid
olmayan məsələlərlə bağlı müraciətləri müvafiq qurumlara çatdırılmaq üçün
qeydiyyata alınıb.