Bakı 23°C
Arxeologiya və Etnoqrafiya Muzeyində tələbələr üçün açıq dərs keçirilib
AMEA Naxçıvan Bölməsinin nəzdində
fəaliyyət göstərən Arxeologiya və Etnoqrafiya Muzeyində Naxçıvan Dövlət
Universitetinin Tarix-filologiya fakültəsinin Muzeyşünaslıq, arxiv işi və abidələrin
qorunması ixtisasının III kurs tələbələri üçün açıq dərs keçirilib.
Bölmənin Tarix, Etnoqrafiya və
Arxeologiya İnstitutunun Arxeoloji xidmət şöbəsinin müdiri, tarix üzrə fəlsəfə
doktoru, dosent Zeynəb Quliyeva açıq dərsdə
Naxçıvanın qədim və zəngin tarixini əks etdirən və regionun
müxtəlif ərazilərində aparılan arxeoloji qazıntılar nəticəsində əldə olunan
maddi-mədəniyyət nümunələri haqqında məlumat verib.
Tələbələrin diqqətinə çatdırılıb
ki, muzeyin ekspozisiyasına toplanılan eksponatlar Naxçıvan Muxtar Respublikası
Ali Məclisi Sədrinin "Naxçıvan Muxtar Respublikası ərazisindəki tarix və mədəniyyət
abidələrinin qorunması və paspоrtlaşdırılması işinin təşkili haqqında” 6 dekabr
2005-ci ildə imzaladığı tarixi sərəncam əsasında 2006-2017-ci illərdə bölgənin
müxtəlif ərazilərində aparılan tədqiqatlar və arxeoloji qazıntılar zamanı əldə
olunan maddi-mədəniyyət nümunələridir.
Neolit, Eneolit, Tunc, Dəmir,
Antik və Orta əsrlər dövrünə aid eksponatlar, geyim və məişət əşyaları və Naxçıvan
Muxtar Respublikasının Ali Məclis Sədrinin muzeyə bağışladığı bu diyarın 90
illik yubileyi münasibətilə təsis olunmuş medallar tələbələrin marağına səbəb
olub.
