“Arsenal”dan onlara fantastik təklif

"Arsenal” Məsut Özil və Aleksis Sançeslə müqaviləni uzatmaq üçün bütün mümkün variantlardan yararlanır.

Kaspi.az xəbər verir ki, rəhbərlik bu futbolçuları razı salmaq üçün daha bir cəhd edəcək. Özü də bu dəfə fantastik təkliflə. Klub bu futbolçulara illik 30 milyon funt sterlinq (34 milyon avro) məvacib verməyə razıdır.

Bu gün klub rəhbərliyinin görüşü olacaq. Görüşdə bu məsələ və Arsen Vengerin gələcəyi müzakirə ediləcək. İngiltərə mətbuatının iddiasına görə, Sançesə həftəlik 275 min funt (316 min avro), Özilə isə 280 min funt (321 min avro) məvacib vəd olunur.

Ancaq futbolçuların agentlərinin həftəlik 350 min funt (402 min avro) tələb etdiyi bildirilir.