Argentinanı Sampaoli də sağalda bilmir
Çənubi Amerika zonasında DÇ-2018-in seçmə mərhələsində növbəti turun
oyunları keçirilib.
Kaspi.az xəbər verir ki, Argentina yığması evdə autsayder Venesuelanı
qəbul edib. Ancaq baş məşqçi Xorxe Sampaoli 2-ci rəsmi oyununda da qələbə
qazana bilməyib. Oyun 1:1 hesabı ilə başa çatıb.
Lider Braziliyada turu "sülh”lə bitirib. Braziliya səfərdə Kolumbiya
ilə heç-heçə edib - 1:1. Uruqvay isə səfərdə Paraqvaya 2:1 hesabı ilə qalib
gələrək, turnir cədvəlinin 2-ci pilləsinə yüksəlib.
Çilinin də çöküşü davam edir. Son Amerika çempionu bu dəfə səfərdə
Boliviyaya məğlub olub - 0:1. Ekvador da doğma meydanda Peru qarşısında aciz
qalıb - 1:2.