Argentina yığmasını çalışdırmağa razılaşdı
"Sevilya”nın baş məşqçisi Xorxe Sampaoli Argentina yığmasını
çalışdırmağa razılıq verib.
Kaspi.az xəbər verir ki, Argentina Futbol Federasiyasının rəhbərliyi
mütəxəssislə danışıqlar aparıb və onun razılığını alıb. Bu barədə məlumatı
"Marca” nəşri yayıb.
Bu həftənin sonunda Sampaoli federasiya rəsmiləri ilə görüşərək,
müqavilənin detallarını və "Sevilya”dan ayrılmağın yollarını müzakirə edəcək.
Bir müddət əvvəl məlumat yayılmışdı ki, Sampaoli 1,5 milyon avro kompensasiya
müqabilində "Sevilya”nı tərk edə bilər.