Bakı 27°C
Argentina fələstinlilərə görə İsraillə oyundan imtina etdi
DÇ-2018-ə
hazırlıqları davam etdirən Argentina yığması İsrail millisi ilə oynamaqdan
imtina edib.
Kaspi.az xəbər
verir ki, Argentina yığması imtina qərarını İsrailin fələstinlilərə qarşı törətdiyi
zorakılıq aktlarına görə verib. Bir müddət əvvəl Fələstin Futbol
Federasiyasının rəhbəri Cibril Racub azarkeşlərə müraciət edərək bildirmişdi
ki, əgər Argentina İsraillə yoldaşlıq oyunu keçirsə, Lionel Messinin
formalarını yandırsınlar.
Bundan sonra
Barselonada məskunlaşan Argentina yığmasının bazası önündə bir qrup fanat
etiraz aksiyası keçirmişdi. Fanatlar da İsraillə oyundan imtina olunmasını tələb
edirdilər.
Bütün bu
etirazları və təhlükəsizlik amilini nəzərə alaraq, Argentina Yerusəlimə getməkdən
imtina edib.
