Çap mediada milli-mənəvi dəyərlərin təbliği
Avqustun 14-də Beynəlxalq Mətbuat Mərkəzində Humanitar
Araşdırmalar İctimai Birliyi Azərbaycan Respublikasının Prezidenti yanında
Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə "Mətbuatda
və sosial mediada milli-mənəvi dəyərlərin qorunması” adlı layihə çərçivəsində
"Çap mediada milli-mənəvi dəyərlərin təbliğinin
vəziyyəti” mövzusunda dəyirmi masa keçirilib. Dəyirmi
masada millət vəkilləri, alimlər, jurnalistlər və gənclər iştirak ediblər.
Dəyirmi masanı giriş sözü ilə ictimai birliyin sədri Nurlanə Mustafayevaaçıb. O qeyd edib ki, Milli-mənəvi dəyərlərimiz
bizim minillik tariximizdir, keçmişimiz və gələcəyimizdir: "Bizi başqa millətlərdən
ayıran və fərqləndirən də dərin tarixi köklərə dayanan dəyərlərimizdir. Ulu öndər
Heydər Əliyev Azərbaycana rəhbərlik etdiyi 1969-1982-ci illərdə sovet sistemi şəraitində
xalqımızın milli-mənəvi dəyərlərinin qorunması və himayəsinə xüsusi qayğı və diqqətlə
yanaşmışdır. Ulu öndərin məhz milli-mənəvi dəyərlərlə bağlı belə bir deyimi
vardır. O, deyirdi: "Həyatda uğurla yaşamaq üçün xalqımızın, millətimizin
milli-mənəvi dəyərlərinə sadiq olmaq lazımdır. Bu milli-mənəvi dəyərləri ümumbəşəri
dəyərlərlə birləşdirib müasir həyat tərzi keçirmək lazımdır.” Ulu öndər Heydər
Əliyevin bu sözlərini həyata keçirən cənab Prezident İlham Əliyevin milli-mənəvi
dəyərlərə verdiyi önəm onun bu sözlərində öz əksini tapır: "Mən hesab edirəm
ki, biz Azərbaycanda elə bir model yarada bildik ki, həm iqtisadi islahatlar, həm
siyasi islahatlar paralel şəkildə aparılır və ölkəmizin hərtərəfli inkişafını təmin
edir. Azərbaycanın böyük və zəngin tarixi vardır. Milli-mənəvi dəyərlərimiz
bizim üçün əsasdır”.
Daha sonra N.Mustafayeva layihənin məqsəd və vəzifələrindən bəhs
edərək vurğulayıb ki, başlıca məqsəd mətbuatda və sosial mediada milli adət-ənənələrimizi,
milli ideologiyamızı, milli tariximizi, ana dilimizi, ölkəmizdə mövcud olan ənənəvi
dinimizi qorumağın, o cümlədən sosial şəbəkələr vasitəsi ilə gənc nəslə təbliğ
etməyin yollarını müzakirə etmək, milli adət-ənənələrimizlə mədəni
inkişafımızın vəhdətini araşdırmaq və geniş ictimaiyyətə çatdırmaqdır. Gənc nəsildə
mətbuat və sosial mediada milli-mənəvi dəyərlərə sahib çıxmaq, onu qorumaq və vətənpərvərlik
hisslərini yüksəltməkdən ibarətdir.
Modern.az saytının baş redaktoru , Parlament Jurnalistlər Birliyinin sədri Elşad Eyvazlımüzakirəyə çıxarılan mövzunun çox maraqlı və xalqımız üçün gərəkli olduğunu
bildirib: "Bugün sizin həyata keçirdiyiniz bu layihə uzunömürlüdür. Dünən də gərəkli
olub, bugün də gərəklidir və sabah da gərəkli olacaq. Ona görə ki, milli-mənəvi
dəyərlər bizim soykökümüz, varlığımız deməkdir. Bu dəyərləri qorumaq
varlığımızı qorumaq deməkdir. Çap mediada milli-mənəvi dəyərləri qorumaqdan
danışırıqsa biraz tarixə nəzər salmalıyıq. Həsən bəy Zərdabi ənənələrindən üzü
bugünə gəlməliyik. Təbii ki, hər kəs Azərbaycan mediasının "Əkinçi”dən dövrümüzə
qədər keçdiyi yoldan xəbərdardır. Şübhəsiz ki, milli-mənəvi dəyərlərin
qorunmasında ən böyük rolu mətbuat oynayır. 70 illik əsarətdən sonra müstəqillik
əldə etdildiyi bir dövrdə qarşımızda duran ilk vəzifə milli-mənəvi dəyərlərin
qorunması oldu. Çap mediası milli-mənəvi dəyərlər mövzusunda xeyli mühafizəkar
görünüb. Bu mediada nəşr olunna bir yazı bir neçə adamın baxışından keçirdi.
Ona görə də, milli-mənəvi dəyərlərə, kiminsə şərəf və ləyaqətinə toxunacaq
yazılar yox idi. Ancaq sosial media meydana çıxandan sonra bu kimi nüanslara
fikir verən azalıb. Sosial mediada xəbəri
ilk kim verəcək daha əsas götürülür. Bu isə xəbərin çatdırılması zamanı
bir sıra yanlışlıqlara gətirib çıxardır. Və bu zaman milli-mənəvi dəyərlərlə bağlı müxtəlif
yanaşmalara səbəb olur. Təəssüfləndirici haldır ki, bugün sosial mediada
milli-mənəvi dəyərlərə arzu olunan şəkildə yer verilmir. Təbii ki, bunu bütün
internet resurslarına şamil etmək olmaz. Mən düşünürəm ki, internetin bizə
verdiyi imkanlardan tam doğru şəkildə yararlanmırıq. Bugün ölkəmizdə 30 yaxın xəbər
agentliyi var ki, bunlar ictimai rəyi formalaşdırmaqda mühüm rol oynayırlar. Və
həmin saytlar milli-mənəvi dəyərlərlə bağlı üzərlərinə düşən işi layiqincə
yerinə yetirirlər. Bundan başqa əsas iş bugün cəmiyyətin üzərinə düşür.
İnsanlar doğrunu yanlışdan seçməlidirlər”.
Layihənin eksperti,
millət vəkili Musa Qasımlı çıxış edərək milli
mənəvi dəyərlərin qorunmasında həm elektron, həm də çap mediasının böyük
rolu olduğunu deyib, bu cür layihələrə maliyyə vəsaiti ayırdığı üçün
Qeyri-Hökumət Təşkilatlarına Dövlət Dəstəyi Şurasına təşəkkür edib.
Sonda iştirakçıların suallarına cavablar verilib və mövzu üzrə müzakirələr aparılıb.
Günel Azadə
Sonda iştirakçıların suallarına cavablar verilib və mövzu üzrə müzakirələr aparılıb.
Günel Azadə