AZE | RUS | ENG |

Anti-Azərbaycan dairələr Azərbaycanın sürətli inkişafından narahatçılıq keçirirlər

Anti-Azərbaycan dairələr Azərbaycanın sürətli inkişafından narahatçılıq keçirirlər
Bu gün Azərbaycan çox yüksək templərlə inkişaf edir və ölkəmiz uzun illərdir mühüm beynəlxalq tədbirlərə ev sahibliyi edir. Təəssüflər olsun ki, hər dəfə beynəlxalq tədbirlər ərəfəsində müəyyən xarici anti-Azərbaycan dairələr ölkəmizə qarşı qərəzli kampaniyalar təşkil edirlər. Bunu Trend-ə Milli Məclisin deputatı Bəxtiyar Əliyev deyib. B.Əliyev qeyd edib ki, UEFA Avropa Liqasının final matçının ölkəmizdə keçiriləcəyi ərəfədə həmin dairələr yenidən baş qaldırır, ölkəmizdə qarşı əsassız iddialar sürürlər: "Bunun bir səbəbi isə odur ki, həmin dairələr ölkəmizin sürətli inkişafından narahatçılıq keçirir və çirkin kampaniya təşkil etməklə ölkəmizin imicinə xələl gətirməyə çalışırlar”. Deputat vurğulayıb ki, Azərbaycanda bütün sahələrdə sürətli inkişaf gedir: "Azərbaycanın infrastrukturu, regionları, yol-nəqliyyat sistemi inkişaf edir və bütün bunlar onu göstərir ki, beynəlxalq tədbirlər keçirmək üçün hər bir şərait mövcuddur, o cümlədən beynəlxalq standartlara cavab verən otellər, istirahət məkanları, idman arenaları, idman ustaları var. İdman sahəsində də ölkə yeni standartlar müəyyən edir. Birinci Avropa Oyunları, İslam Həmrəyliyi Oyunları, eyni zamanda ayrı-ayrı idman növləri üzrə dünya turnirlərinin, kubokların ən yüksək səviyyədə keçirilməsi bir daha göstərir ki, Azərbaycan böyük inkişafa nail olub". Millət vəkilinin sözlərinə görə, bütün bunlar onu göstərir ki, Azərbaycanda bütün sahələrə çox böyük diqqət var: "Bütün bunlar Prezident İlham Əliyevin təşəbbüsüdür və bu təşəbbüs də tam gerçəkləşir. Bu gün Azərbaycan təhlükəsizliyi və sabitliyi ən yüksək səviyyədə təmin edən az sayda ölkələrdən biridir. Dövlət siyasəti Azərbaycan xalqının sağlamlığına və firavan inkişafına xidmət edir". B.Əliyev əmin olduğunu bildirib ki, Azərbaycan UEFA Avropa Liqasının final matçına da yüksək səviyyədə ev sahibliyi edəcək: "Anti-Azərbaycan dairələrin cəhdləri həmişə olduğu kimi bu dəfə də boşa çıxacaq”.

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.897
GEL 1 1 Gürcüstan larisi 0.6169
GBP 1 1 İngiltərə funt sterlinqi 2.1628
IRR 100 100 İran rialı 0.004
SEK 1 1 İsveç kronu 0.1757
CHF 1 1 İsveçrə frankı 1.6833
KWD 1 1 Küveyt dinarı 5.5848
TRY 1 1 Türkiyə lirəsi 0.2815