• cümə axşamı, 28 mart, 17:15
  • Baku Bakı 16°C

Ankara-Bakı-Ankara istiqamətində birbaşa uçuşların rəsmi açılış mərasimi olub

23.04.19 21:27 558
Ankara-Bakı-Ankara istiqamətində birbaşa uçuşların rəsmi açılış mərasimi olub
Heydər Əliyev Beynəlxalq Aeroportunda THY-nin Bakı-Ankara-Bakı reysinin açılış mərasimi baş tutub.
Şirkətdən Trend-ə verilən məlumata görə, THY-nin Bakı nümayəndəliyinin rəhbəri Seyfullah İlyas bildirib ki, bu reys iki paytaxt arasında məsafələri qısaltmaq baxımından əhəmiyyətlidir:
"Bilirsiniz ki, Türkiyə ilə Azərbaycan arasında diplomatik əlaqələr çox yüksək səviyyədədir. Bu baxımdan siyasilərdən ibarət sərnişin potensialı var. Həmçinin, Ankara və ətraf regionlarda təhsil alan tələbələr, ora müalicəyə gedən şəxslər və s. potensial olaraq bizim sərnişinlərimizdir. Uzun müddət idi ki, paytaxtları bir-birinə bağlayan bu reysi açmağı düşünürdük. Nəhayət bu gün reallaşdırdıq".
Tədbirdə Türkiyənin Azərbaycandakı səfiri Erkan Özoral, THY baş direktorunun insan resursları üzrə köməkçisi Abdulkərim Çay, THY Azərbaycan ofisinin rəhbəri Seyfullah İlyas, Mülki Aviasiya Agentliyinin beynəlxalq münasibətlər şöbəsinin rəhbəri Elman Ələkbərov və başqa şəxslər iştirak edib.
Qeyd edək ki, "Türk Hava Yolları” 22 aprel tarixindən etibarən Ankara-Bakı-Ankara istiqamətində birbaşa uçuşlara başlayır.
Ankara-Bakı istiqamətində uçuşlar həftənin bazar ertəsi, çərşənbə və cümə günləri təşkil olunacaq. Əks istiqamətdə isə (Bakı-Ankara) reyslər həftənin çərşənbə axşamı, cümə axşamı və şənbə günləri həyata keçiriləcək.
Ankara-Bakı reysi yerli vaxtla 23:45-03:35-də, Bakı-Ankara isə 04:30-06:20-də təşkil olunacaq.
Bununla da Türkiyədən Azərbaycana olan birbaşa uçuşların icra edildiyi şəhərlərin sayı 3 olur.
banner

Oxşar Xəbərlər