AMЕA Naxçıvan Bölməsinin əməkdaşı Fəxri Fərmanıla təltif olunub
AMЕA Naxçıvan Bölməsinin böyük elmi işçisi Əfruz Nəsirova elmi fəaliyyətində fərqləndiyinə görə
AMEA-nın Fəxri Fərmanı ilə təltif olunub. Gənc elmi işçiyə Fərmanı Azərbaycan
Milli Elmlər Akademiyasının Rəyasət Heyətinin iclasında AMEA-nın prezidenti,
akademik Akif Əlizadə təqdim edib.
Qeyd edək ki, Əfruz Nəsirova Bölmənin Bioresurslar İnstitutunun
"Nəbatat şöbəsi”nin böyük elmi
işçisidir.
Naxçıvan Muxtar Respublikası florasında
yayılmış Campanulaceae Juss.-Zəngçiçəyikimilər
fəsiləsinə daxil olan növlərin öyrənilməsi, onların fitosenozlarda rolu, nadir
növlərin mühafizə yolları və səmərəli istifadə yolları mövzunda gənc tədqiqatçı elmi tədqiqatlar aparıb. Hazırda o,
Naxçıvan MR ərazisində Badımcankimilər (Solanaceae Adans.) fəsiləsinin Dəlibəng
(Datura L.) cinsinə daxil olan növlərin
sistematik tərkibinin, bioloji xüsusiyyətlərinin və yayılma zonalarının öyrənilməsi,
fitosenozlarda rolu və introduksiyasının tədqiqi üzərində tədqiqatlar
aparır.
Əfruz Nəsirova uğurlu elmi fəaliyyətinə görə ötən
il Naxçıvan Muxtar Respublikası Gənclər və İdman Nazirliyi, Gənclər Fondunun
birgə təşkilatçılığı ilə təşkil olunan tədbirdə "İlin Gənc Alimi” nominasiyası
üzrə mükafata, o cümlədən Azərbaycan gəncləri günü münasibətilə Azərbaycan
Respublikasının Gənclər və İdman Nazirliyi tərəfindən "Diplom” və pul mükafatı
ilə təltif olunub.
Həmçinin gənc tədqiqatçı 2017-ci il Azərbaycan
Respublikasının Prezidenti yanında Elmin İnkişafı Fondu və Azərbaycan
Respublikası Gənclər və İdman Nazirliyinin birgə təşkil edərək keçirdiyi Gənc
alim və mütəxəssislərin 4-cü xüsusi - "Mənim ilk qrantım” müsabiqəsində "Naxçıvan
Muxtar Respublikasının Batabat massivində yayılmış yabanı tərəvəz bitkilərinin
genofondunun öyrənilməsi, bərpası və yeni istifadə imkanları” mövzusu ilə Layihədə
iştirak edərək qalibi olub.