“Alyans Arena”da futbola yataqda bax
"Bavariya” azarkeşləri üçün yeni xidmət təklif edir.
Kaspi.az xəbər verir ki, Münhen klubunun azarkeşləri oyuna baxmaq
üçün tribunada əyləşməyə də bilərlər. Klub rəhbərliyi "Alyans Arena”da yeni VİP
otaqlar təklif edəcək.
"Bavariya” "Marriott” kompaniyası ilə müqavilə bağlayıb. Müqaviləyə
əsasən, 2019/2020 mövsümündən başlayaraq, stadionda yataq dəsti və mini barı
olan xüsusi otaqlar fəaliyyət göstərəcək. VİP otaqları həm çempionat, həm də
beynəlxalq oyunlar zamanı sifariş etmək mümkün olacaq.
"Bavariya” ev stadionunda belə xidmət təklif edən ilk klub olacaq.
Məlumata görə, "Real” da bu ideyadan yararlanmağı planlaşdırır.