Almaniyanı saxtakarlıqları ilə heyrətləndirənlər - Fotofakt
Müsavat Partiyasında saxta arayış qalmaqalı daha da
böyüməkdədir. Bu günlərdə təşkilatın adı daha bir saxta arayış qalmaqalında
hallanıb. Belə ki, Müsavatın Zəngilan rayon təşkilatının üzvü olan və hazırda
Almaniyada yaşayan Rahid Bəşirov barəsində Miqrasiya İdarəsi "mənfi qərar”
qəbul edib. Çox böyük ehtimal, bu "mənfi qərar” R.Bəşirovun "siyasi mühacir”
adı altında Almaniyada oturum icazəsinin verilməməsinə dair olub. Bu qərarı
doğru hesab etməyən R.Bəşirov Almaniya Münster
şәhәr Məhkəməsinə bununla bağlı şikayət edib. Məhkəmə onun şikayətini
təmin etməyib və əleyhinə qərar qəbul edib. Həmin qərarda belə bir arqument
irəli sürülüb: "Tәqdim olunan partiya bileti vә arayış sizin şikayətin təmin olunması
üçün uyğun deyil. Artıq diqqәtә alınması vacibdir ki, partiya funksionerlәrinin
müsbәt fәaliyyәtlә bağlı tәsdiq arayışlarını Azәrbaycanda әldә etmәk çox da
çәtin deyil”.
Bu qərar Almaniya Məhkəməsinin, ümumən Avropanın
Müsavat Partiyasına, onun vәsiqә vә arayışlarına münasibәtini açıq şəkildə
ortaya qoyub. Bununla da Müsavatda arayışların saxta olması, saxtakarlıqla
arayışların verilməsi məsələsi yenidən gündəmə gəlib. Bu gündəmi yaradan, yeni
saxta sənəd qalmaqalını cəmiyyətə çatdıran isə sosial şəbəkə istifadəçisi,
Almaniyada siyasi mühacir həyatı yaşayan, Yafəz Həsənov olub. Bu barədə o,
geniş status yazıb. Qeyd edib ki, artıq Almaniyadakı Müsavat Partiyası
üzvlәrinin çoxuna vәsiqә vә arayışlarının hәqiqәti әks etdirmәdiyi haqda qәrar
vә bildiriş göndәrilib. Müsavat Partiyası İcra Aparatının rəhbəri G.Aslanlı
bütün bunlara cavab olaraq "Facebook” hesabında status yazıb. Bildirib ki, məhkəmə
qərarı incələndikdən sonra bu barədə obyektiv fikir ictimaiyyətə çatdırılacaq.
Onun bu cavabı sosial şəbəkə istifadəçiləri, onu tanıyanlar tərəfindən
narazılıqla qarşılanıb, qıcıq doğurub.
Natavan Hasanli sözügedən statusa rəy yazaraq qeyd
edib ki, Rahidə təqdim olunan qərar 20 səhifəlikdir və burada söhbət onun
neqativinin hansı səbəbdən olması deyil: "Söhbət həmin qərarın içərisində bir
cümlə ilə Müsavat Partiyasının arayış və vəsiqəsinin - əsas sənədlərinin artıq
asan əldə oluna bilən bir kağız parçası kimi etibardan düşməsinin qeyd
olunmasıdır. Bəli, arayış 2007-ci ilə aiddir və İsveçə təqdim olunmaq üçün
alınıb, lakin o zaman da heç bir işə yaramayıb”.
Yafaz Akramoglu Hasanov adlı sosial şəbəkə istifadəçisi
indiyə qədər Müsavat Partiyası tərəfindən siyasi mübarizəsi, müxalifətçiliyi
olmayan çoxsaylı şəxslərə saxta arayışların verildiyini qeyd edib və
G.Aslanlıya belə bir sual ünvanlayıb: "Alman miqrasiya idarәsi tәrәfindәn
Müsavat Partiyasının vәsiqә vә arayışının saxta hesab olunması ilə bağlı qәrar
var mәndә. Daha doğrusu, arayışın içәrisindә yazılan informasiya, vәsiqәnin surəti
ilə ümumilikdə. İstәyirsinizsə, burada paylaşım, Gülağa bәy? Hәmin sәnәdlәr dә
sizlәrin imzası ilə verilib. Bunu siz dә tәsdiq edirsiniz. İndi düşünün, görün,
imzanızı niyә Avropada şübhә altına alırlar?”
Yafaz Akramoglu Hasanov Avropada miqrasiya idarәlәrindә
Müsavatın arayış vә vәsiqәlәrinә inamsızlığın yaranma səbəblərini də G.Aslanlı
üçün sadalayıb: "Ucdantutma, kimә gәldi bu cür arayışları verib Avropaya
göndәrirsiniz deyә, inamsızlıq yaranıb. Anlamaq lazım idi ki, bir gün onlar da
bu arayışların әlindәn bezәcәklәr. 10-15 il әvvәl Müsavatın vәsiqәsi belә bәs
edirdi ki, dәrhal siyasi mühacir statusu alasan. İndi vәsiqә nәdir, hәtta sizin
arayışları görәndә rәsmi orqanlar dәrhal üz çevirirlәr. Şәxs haqqında әlavә
araşdırmaya ehtiyac görmәdәn, dәrhal neqativ qәrar verirlәr. Qısası, beziblәr
sizin arayışlardan. Burada zәrәr çәkәn 5-10 nәfәr hәqiqәtәn tәzyiqlә üzlәşәn
müsavatçılardı. Çünki, arayışı görәn kimi onlara da eyni münasibәt yaranır vә
dediklәri ciddiyә alınmır. Miqrasiya idarәlәri dә qәrarlarında heç nәyi
gizlәtmirlәr. Açıq yazırlar ki, Müsavatın arayışında yazılanlar hәqiqәti әks
etdirmir. Yazmır ha arayış saxtadır, yazır ki, arayışda yazılan hәqiqәtә uyğun
deyil. Papağınızı qarşınıza qoyub Müsavat sәnәdlәrinin dәyәrinin haradan hara
düşdüyünün sәbәbin axtarmaqdansa, mövzunu sağa-sola çәkərək, başlayıbsınız ki,
filan arayış filanıncı ildә veriilib, ona görә. Halbuki, bunun mәsәlәyә heç bir
dәxli yoxdur”.
Yafaz Akramoglu Hasanov G.Aslanlıya cavab olaraq
onu da əlavə edib ki, Almaniya Mәhkәmәsinin Rahid bәylә bağlı qәrarı bir az
abırlıdır və çox da açıq yazılmayıb. Onun sözlərinə görə, Almaniya Miqrasiya İdarәsinin
Hikmәt Kazımlı (Hikmet Kazimli Turkoglu) ilə bağlı bağlı qәrarında konkret
olaraq Müsavat başqanının imzası ilə verilәn partiya bileti saxta elan edilib:
"Üstәlik, şәxsәn sizin (G.Aslanlını nəzərdə tutur) imzanızla verilәn arayışın
içәrisindә yazılanlara inamsızlıq göstәrilib. Miqrasiya İdarәsinin hәmin qәrarı
sizin әlinizdәdir. Bәlkә bununla bağlı sәfirliyә müraciәt edәsiniz? 3 aydır ki,
әlinizdәdir. Niyә etmirsiniz? Etmirsinizsә, demәk, blef edirsiniz. Heç mәhkәmә
qәrarı әlinizdә olandan sonra da etmәyәcәksiniz. Hәm dә hansı mәnәvi haqla?
Avropa ölkәlәrinin sәfirliklәri dә sizin arayışlarla bağlı sorğulara cavab
vermәkdәn beziblәr”.
Hikmet Kazimli Turkoglu da müzakirələrə qoşularaq
G.Aslanlıya haqlı suallar ünvanlayıb: "Mәnә verdiyiniz arayışı vә vәsiqәni
alman miqrasiya idarәsi saxta sayıb. Niyә? Sizin imza saxtadır məgər? İsa
Qәmbәrin imzası ilə aldığım vәsiqәdәki imza saxtadır məgər? Niyә üstünә
getmirsiniz bu mәsәlәnin? Deyirsiniz ki, Miqrasiya İdarәsində yanlışlıq olub.
Niyә üzәrinә gedib yanlışlığı düzәltmirsiniz? Niyə səfirliyə bu haqda məlumat
vermirsiniz? Mәn sizdәn tәlәb edirәm! Alman hökmәtinin Azәrbaycanda tәmsilçisi
alman sәfirliyidir. Öz imzanıza hörmәt edirsinizsә, gedin alman sәfirliyindә
üsyan qaldırın ki, sizә kim ixtiyar verib bizim imzamızla olan sәnәdlәri saxta
sayasınız? Özünә hörmәt edәn hәr kәs bunu etmәlidir. Etmәyəcәksinizsә, demәk,
onların da qarşısında gözünüz kölgәlidir. İçi saxta mәlumatla dolu
arayışlarınızla onları da bezdirmisiniz. Çox təəssüflər olsun!”
Zakir Aqayev adlı istifadəçi də yazıb ki, artıq
Avropada Müsavat Partiyasının sənədlərinə inanmırlar. Onun fikrincə, Avropadakı
Miqrasiya İdarələri müsavatçıyam deyən hər kəsdən şübhələnir.
Bax, beləcə, müzakirələr davam etdirilib.
Müzakirələrə qoşulan sosial şəbəkə istifadəçiləri, o cümlədən müxtəlif
bəhanələrlə Avropaya sığınmaq üçün Müsavat Partiyasından arayış alanlar
G.Aslanlını sual və tələblərlə küncə sıxışdırıblar. Haqlı suallar qarşısında
aciz qalan G.Aslanlı isə vəziyyətdən çıxmaq üçün əsassız arqumentlər gətirib,
söhbətin mövzusunu dəyişməyə çalışıb. Lakin müzakirələrdən də göründüyü kimi,
onun bu cəhdləri alınmayıb.
Alpər İSMAYIL