• cümə, 29 Mart, 15:24
  • Baku Bakı 14°C

Aleksandr Vuçiç: “Serbiya Azərbaycan üçün dost ölkədir”

21.05.18 15:13 470
Aleksandr Vuçiç: “Serbiya Azərbaycan üçün dost ölkədir”
"Sizi ilk növbədə prezident seçkilərində böyük əminliklə əldə etdiyiniz qələbə münasibəti ilə təbrik edirəm və Azərbaycan xalqına firavanlıq arzu edirəm. SiziAzərbaycan Xalq Cümhuriyyətinin 100 illiyi münasibəti ilə də təbrik etmək istəyirəm”.
APA-nın məlumatına görə, bunu bu gün Azərbaycan prezidentiİlham Əliyevlə geniş tərkibli görüşdə Serbiya prezidenti Aleksandr Vuçiç bildirib.
Serbiya prezidenti deyib ki, Serbiya Azərbaycan üçün dost bir ölkədir: "Biz Bakıda özümüzü ən yaxın dostlarımızın evində hiss edirik. Cənab prezident, mən sizin fəaliyyətinizə xüsusi önəm verirəm. Siz ölkənizin suverenliyini və müstəqilliyini qoruyub saxlamaq üçün böyük səy göstərirsiniz, çünki çox gərgin bir şəraitdə ölkənizi firavanlıq yolu ilə irəli aparırsınız. Bununla yanaşı, sizin siyasətinizi dəstəkləyən ölkələrlə yaxşı münasibətlər qurmusunuz. Bu, çox çətin məsələdir. Biz Serbiya olaraq bu siyasətə çox böyük önəm verir və hörmət bəsləyirik. Hesab edirəm ki, bizim birgə görəcəyimiz işlər kifayət qədərdir”.
banner

Oxşar Xəbərlər