ADU-nun dosentinin məqaləsi beynəlxalq jurnalda yer alıb
Bu yaxınlarda Azərbaycan
Dillər Universitetinin (ADU) Sosial elmlər kafedrasının dosenti Şəfəq
Abdullayevanın "Devalvasiya iqtisadi artım və ya böhranın səbəbi kimi” ("Devaluation
as a Reason for Economical Growth or Crisis”) mövzusunda məqaləsi dünyanın
nüfuzlu impakt faktorlu "International Journal of Economics and Finance”da dərc
olunub. Kanadanın Elm və Təhsil Mərkəzində çapdan çıxmış jurnalda yer alan məqalədə
devalvasiyanın konseptləri, onların növləri, açıq və qapalı devalvasiya, bəzi
ölkələrdə devalvasiya, həmçinin dünya bazarında neftin qiymətinin kəskin düşməsi
səbəbi ilə yaranan iqtisadi böhran, milli valyutanın devalvasiyası məsələləri
izah olunub. Bundan əlavə, məqalədə devalvasiyanın iqtisadiyyata təsiri, onun mənfi
və müsbət aspektləri, səbəbləri və nəticələri təhlil olunub. Məqalədə devalvasiyanın
həlli yolları, bəzi ölkə modelləri əsasında böhran vəziyyətində uğurlu
addımların atılması ilə bağlı təkliflər verilib.
Qeyd edək ki, bundan öncə
də Ş.Abdullayevanın bir çox məqalələri müxtəlif ölkələrdə çap olunub.