AZE | RUS | ENG |

Ağdamda məcburi köçkünlər üçün ödənişsiz tibbi müayinə keçirilib

Ağdamda məcburi köçkünlər üçün ödənişsiz tibbi müayinə keçirilib
Mərkəzi Klinikanın Mama-Ginekologiya şöbəsinin müdiri, Əməkdar həkim, T.E.N. Mahirə İsmayılovanın rəhbərliyi ilə tibbi heyət mayın 11-də Ağdam rayonunun Ergi ərazisindəki Mirzələr qış yatağında məskunlaşmış məcburi köçkünlər üçün ödənişsiz tibbi müayinə keçirib.
Bu barədə Trend-ə klinikadan məlumat verilib.
Ermənistanın hərbi təcavüzü və işğalçılıq siyasəti nəticəsində öz yurdundan didərgin düşən qaçqın və məcburi köçkün həmvətənlərimizin sağlamlığının qorunması və keyfiyyətli tibbi xidmətlə təmin edilməsi Azərbaycan Respublikasının Prezidenti İlham Əliyevin sosial siyasətinin əsas istiqamətlərindəndir. Bu kateqoriyadan olan vətəndaşlar üçün layiqli həyat şəraitinin yaradılmasına Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva da ciddi diqqət və həssaslıqla yanaşır. Dövlətimizin bu istiqamətdəki siyasətinə dəstək məqsədi ilə "Qarabağa sağlam nəsillə qayıdaq !" birgə layihəsi start götürüb.
Dr.Mahirə İsmayılova Ağdam sakinləri ilə görüşdə bildirib ki, "Azərbaycan ərazilərinin 20 faizi Ermənistan silahlı birləşmələrinin işğalı altında olsa da, hər bir azərbaycanlı əmindir ki, biz Qarabağımıza qayıdacaq, quruculuq işləri aparacağıq: "Bunun üçün bizə sağlam nəsil lazımdır. Sağlam nəsil isə sağlam qadından başlayır. Bu fikri rəhbər tutaraq biz "Qarabağa sağlam nəsillə qayıdaq” devizi ilə layihəyə start verdik. Layihəyə birinci olaraq təmas xəttində yerləşən Ağdam rayonunun Mirzələr qış yatağında məskunlaşan məcburi köçkünləri cəlb etdik".

Xeyriyyə aksiyası zamanı 100-ə yaxın Ağdam, Şuşa və Laçın rayonlarından olan məcburi köçkün qadınlar ginekoloji müayinədən keçirilib, onlara ilkin diaqnoz qoyularaq müvafiq müalicə təyin edilib, maarifləndirici materiallar, pulsuz dərman və hədiyyələr paylanılıb.
Dr.Mahirə İsmayılova eyni zamanda bildirib ki, Respublikamızın digər ərazilərində məskunlaşan məcburi köçkün qadınlar üçün də tibbi xidmətlərin göstərilməsi nəzərdə tutulur.



Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8856
GEL 1 1 Gürcüstan larisi 0.5846
GBP 1 1 İngiltərə funt sterlinqi 2.0666
IRR 100 100 İran rialı 0.004
SEK 1 1 İsveç kronu 0.1759
CHF 1 1 İsveçrə frankı 1.7355
KWD 1 1 Küveyt dinarı 5.5864
TRY 1 1 Türkiyə lirəsi 0.3045