“Adagia"nın premyerası olacaq

Bu günlərdə Dövlət Pantomima Teatrında yeni tamaşanın premyerası olacaq.
Teatrın direktoru, Əməkdar Artist Elman RəfiyevAZƏRTAC-a bildirib ki, Xalq Artisti Bəxtiyar Xanızadənin müəllif olduğu "Adagia" (poetik düşüncə) tamaşası altı aylıq zəhmətin bəhrəsidir.
Məşqlərinə 2016-cı ilin yanvarından başlanan tamaşada rolları teatrın aktyorları canlandırır. Səhnə əsəri teatrın səhnəsində üç gün oynanılacaq.