AZE | RUS | ENG |

ABŞ Məcburi Köçkün Gənclərinə Karyera Bacarıqlarını Artırmaqda Dəstək Göstərir

ABŞ Məcburi Köçkün Gənclərinə Karyera Bacarıqlarını Artırmaqda Dəstək Göstərir
13 fevral tarixində Səfir Robert F. Sekuta və Kürdəmir rayonu İcra Hakimiyyətinin başçısı Ceyhun Cəfərov Kürdəmir və Füzuli rayonlarından 40 məcburi köçkün gənci üçün Kürdəmir Karyera Gününün açılışını etdilər. Açılışda, həmçinin, Azərbaycan Respublikası Mədəniyyət və Turizm Nazirliyinin nümayəndələri də iştirak etdilər.

Səfir Sekuta Karyera Gününün gənc iştirakçıları ilə bir araya gələrək onların arzularını öyrəndi və güclü gələcək qurmaları üçün ideya və resurslar təklif etdi. Daha sonra, ABŞ səfirliyinin əməkdaşları və Kürdəmir Amerika Guşəsi tədbirdə Səfirliyin "Maker Space”-inə aid 3D printerlər və robotlar kimi ən son texnoloji alətlər təqdim edildi. Həmçinin, tələbələr üçün karyera inkişafı resursları və ABŞ-da mübadilə və təhsil imkanları mövzusunda təqdimatlar keçirildi.

Çıxışında  səfir Sekuta, ABŞ səfirliyinin azərbaycanlılara yeni imkanlar və güclü karyeralar qurmaqda göstərdiyi səylərinin bir hissəsi kimi ABŞ-ın Azərbaycandakı məcburi köçkünlərə olan uzunmüddətli öhdəliyini vurğuladı. 1991-ci ildən ABŞ Azərbaycana 1,3 milyard dollardan çox yardım göstərib, bunun 125 milyon dolları məcburi köçkünlərə ayrılıb.

Amerika Guşəsi proqramına Azərbaycan Dillər Universitetində yerləşən və ən böyük Bakı Amerika Mərkəzi, Gəncə, Kürdəmir, Salyan və Xaçmaz şəhərlərində yerləşən regional Amerika Guşələri də daxildir. Mərkəz və Guşələr ingilis dilini təkmilləşdirmək, Birləşmiş Ştatlar barədə məlumat əldə etmək, təhsil və mübadilə proqramları barədə daha ətraflı öyrənmək və Yaradıcılıq Məkanında yüksək innovativ texnologiya layihələrində iştirak etmək imkanları yaradır. Guşələr, həmçinin, mühazirələr, danışıq klubları, hər bir icma nwmayəndəsi üçün pulsuz internet və bir sıra başqa fəaliyyətlər də təqdim edir.

Kürdəmir Amerika Guşəsi barədə daha ətraflı məlumat əldə etmək üçün xahiş olunur ki, www.facebook.com/kurdemirac Facebook səhifəsinə daxil olasınız və yaxud ABŞ Səfirliyinin Məlumat Mərkəzinə (012) 488 33 00, daxili: 3617  nömrələrinə zəng edəsiniz.


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0038
GEL 1 Gürcü larisi 0.6891
GBP 1 İngilis funt sterlinqi 2.3714
TRY 1 Türk lirəsi 0.4488
KWD 1 Küveyt dinarı 5.6678
SEK 1 İsveç kronu 0.2089
EUR 1 Avro 2.0914
CHF 1 İsveçrə frankı 1.8180
USD 1 ABŞ dolları 1.7001