AZE | RUS | ENG |

ABŞ Fələstin Azadlıq Təşkilatının Vaşinqtondakı ofisinin bağlanmasını tələb edir

ABŞ Fələstin Azadlıq Təşkilatının Vaşinqtondakı ofisinin bağlanmasını tələb edir
ABŞ Dövlət Departamentinin bəyanatında bildirilir ki, Prezident Trampın administrasiyası Fələstin Azadlıq Təşkilatının (FAT) Vaşinqtondakı ofisinin bağlanması barədə qərar qəbul edib.

AZƏRTAC xəbər verir ki, ABŞ xarici siyasət idarəsinin rəsmi bəyanatında deyilir: "Administrasiya ciddi təhlil aparandan sonra bu nəticəyə gəlib ki, Fələstin Azadlıq Təşkilatının Vaşinqtondakı Baş Nümayəndəliyi bağlanmalıdır”. Bəyanatda, həmçinin qeyd edilir ki, Birləşmiş Ştatlar 2017-ci ildə "İsraillilər ilə fələstinlilər arasında möhkəm və geniş əhatəli sülhə nail olmaq üçün” FAT-ın müvafiq əməliyyatlar aparmasına icazə verib və bu ofisi bağlamayıb, lakin FAT "İsrail ilə birbaşa və konstruktiv danışıqlar aparmağa” yönəlmiş addımlar atmayıb.

Bəyanatda daha sonra deyilir ki, əksinə, FAT rəhbərliyi münaqişənin dinc yolla nizamlanmasına dair ABŞ-ın planını (hələ bu planın üzünü görmədiyi halda) pisləyib və ABŞ hökumətinin sülhə nail olmaq səylərində onunla əməkdaşlıqdan imtina edib. Beləliklə, Administrasiya Konqresin narahatlığını nəzərə alaraq, qərara gəlib ki, FAT-ın Vaşinqtondakı ofisi bu mərhələdə bağlanacaq. İdarədə, həmçinin "İsrailə münasibətdə təhqiqat aparılmasında fələstinlilərin Beynəlxalq Cinayət Məhkəməsinə təzyiq göstərmək cəhdlərinə” görə narahatlıq ifadə olunub.

Bəyanatın sonunda deyilir: Birləşmiş Ştatlar əvvəlki kimi hesab edir ki, münaqişənin həllinə yaxınlaşmağın yeganə üsulu iki tərəf arasında birbaşa danışıqlardır və rəsmi Vaşinqton möhkəm və geniş əhatəli sülhə nail olmaq üçün səylərindən geri çəkilməyəcək.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6489
GBP 1 İngilis funt sterlinqi 2.2562
TRY 1 Türk lirəsi 0.2727
KWD 1 Küveyt dinarı 5.6171
SEK 1 İsveç kronu 0.1937
EUR 1 Avro 2.0024
CHF 1 İsveçrə frankı 1.7728
USD 1 ABŞ dolları 1.7000