Bakı 23°C
55 milyona getmişdi, 50 milyona qayıtdı
Leroy Saneni
artıq "Bavariya”nın futbolçusu hesab etmək olar.
Kaspi.az xəbər
verir ki, Almaniya yığmasının üzvü
Munxen nəhəngi ilə 5 illik müqavilə imzalayıb. "Bavariya” onun transferinə görə
"Mançester Siti”yə 50 milyon avro ödəyib.
24 yaşlı futbolçunun
illik məvacibinin 20 milyon avroya yaxın olacağı bildirilir. O da bildirilir
ki, "Siti” futbolçunu "Real”la keçiriləcək ÇL-in 1/8 finalının cavab
qarşılaşmasında meydana buraxmayacaq.
Gözlənilir ki,
"Siti”nin məşqçilər korpusu futbolçunu ÇL-in Lissabonda keçiriləcək son mərhələsinə
də aparmayacaq və onu avqustda "Bavariya”ya buraxacaqlar.
İngiltərə
Superkubokunda zədələnən Sane, demək olar ki, cari mövsümü buraxmalı oldu. O,
iyunun 22-də "Bernli” ilə keçirilən qarşılaşmada meydana qayıtdı.
O, "Siti”də son
4 mövsüm ərzində çıxış edib. 2016-cı ildə "Şalke”dən İngiltərəyə 55 milyon
avroya transfer olunub və Almaniya futbol tarixinin ən bahalı futbolçusu
statusu alıb.
