300-ə yaxın insan qidadan zəhərlənib

300-ə yaxın insan qidadan zəhərlənib

Təfsilat
16 Aprel 2013, 14:12 910
Bu ilin yanvar-fevral ayları ərzində Azərbaycanda əhali arasında 264 qida zəhərlənməsi hadisəsi baş verib. Səhiyyə Nazirliyi Respublika Gigiyena və Epidemiologiya Mərkəzindən Trend-ə verilən məlumata görə, hadisə nəticəsində 297 nəfər zərərçəkən olub.

Qeyd edilən müddət ərzində 8 botulizm hadisəsi baş verib. Həmin hadisələrdən 13 nəfər zərər çəkib. Hesabat müddətində qida zəhərlənmələrindən ölüm halları baş verməyib.

Qeyd edək ki, ötən il ərzində Azərbaycanda 1191 qida zəhərlənməsi hadisəsi baş verib. Zəhərlənmə hadisələrindən 1465 nəfər zərər çəkib.