Bakı 18°C
“28 iyul Beynəlxalq Hepatitlə Mübarizə günü”nə həsr olunmuş tədbir keçirilib
Binəqədi Rayon
İcra Hakimiyyətinin dəstəyi, Məmməd Əmin Rəsulzadə bələdiyyəsi ərazi ilk
partiya təşkilatı Gənclər Birliyi, Yeni Azərbaycan Partiyası Binəqədi rayon
Təşkilatı Gənclər Birliyi və Respublika Müalicəvi Diaqnostika Mərkəzinin birgə
təşkilatçılığı ilə "28 iyul Beynəlxalq Hepatitlə Mübarizə günü”nə həsr olunmuş
tədbir keçirilib. Tədbirdə Binəqdi Rayon İcra Hakimiyyəti başçısı Aparatının
İctimai-siyasi və humanitar məsələlər şöbəsinin baş məsləhətçisi Jalə
Tofiqqızı, M.Ə.Rəsulzadə bələdiyyəsinin sədr müavinləri, bələdiyyə üzvləri,
Yeni Azərbaycan Partiyası Binəqədi rayon Təşkilatı Gənclər Birliyinin sədri
Fəsli Nəbiyev, Gənclər Birliyinin üzvləri və Asan könüllüləri iştirak edib.
Tədbiri giriş
sözü ilə açan M.Ə.Rəsulzadə bələdiyyəsi ərazi ilk partiya təşkilatı Gənclər
Birliyinin sədri Ayla İbrahimova tədbirin vacibliyini vurğulayıb. Bildirib ki,
Ümumdünya Səhiyyə Təşkilatı Hepatit viruslarının qarşısının alınması və onunla
mübarizəyə kompleks yanaşmağa çağıraraq 2010-cu ildə WHA63.18 saylı qərarla 28
iyul tarixini Beynəlxalq Hepatitlə mübarizə günü elan edib.
Daha sonra
çıxış edən Binəqdi Rayon İcra Hakimiyyəti başçısı Aparatının İctimai-siyasi və
humanitar məsələlər şöbəsinin baş məsləhətçisi Jalə Tofiqqızı, M.Ə.Rəsulzadə
bələdiyyəsinin sədr müavini Ayət Nağıyev, Yeni Azərbaycan Partiyası Binəqədi
rayon Təşkilatı Gənclər Birliyinin sədri Fəsli Nəbiyev belə maarifləndirici
tədbirlərin davamlı keçirilməsini, gənclərin aktiv olmasını qeyd ediblər.
Tədbir seminarla davam edib. Türkiyə Qastroenteroloji Dərnəyinin
fəxri üzvü, Respublika Müalicəvi Diaqnostika Mərkəzinin həkim
qastroenteroloq-hepatoloqu Cəmil Kamilli hepatit viruslarının növləri,
əlamətləri, yoluxma yolları, xəstəlyin müayinə və müalicəsi, hepatit
viruslarına qarşı profilaktik tədbirlər və qorunma yolları haqqında məlumat
verib.
Qeyd edək ki,
tədbirdən öncə M.Ə.Rəsulzadə qəsəbəsində yaşayan bir qrup gəncin müayinəsi
həyata keçirilib.
