Jurnalistlər üçün təlim keçirilib - Fotolar
Almaniya Beynəlxalq
Əməkdaşlıq Cəmiyyəti (GİZ) "Cənubi Qafqazda hüquq sahəsində Avropa
standartlarına yaxınlaşma” regional proqramı çərçivəsində Nabranda jurnalistlər
üçün növbəti təlim kursu təşkil olunub. 21-23 sentyabr tarixlərində keçirilən
təlim "Media və uşaq hüquqları: uşaqlar haqqında informasiya hazırlanmasının
şərtləri”ni əhatə edib.
Təlimin ilk günündə GİZ-in
əməkdaşı Şakir Səfərbəyov kursun məqsədi, strukturu, gözlənilən nəticələr barədə
danışıb.
Jurnalistlərin Həmkarlar
İttifaqının (JuHİ) sədri, Mətbuat Şurası sədrinin müavini Müşfiq Ələsgərli"Uşaq hüquqları və onun qorunmasının hüquqi əsasları”, "KİV və uşaq hüquqları:
KİV-də uşaq hüquqlarının qorunmasını tənzimləyin qanunlar”, "Ənənəvi KİV və
internet informasiya resurslarında, sosial şəbəkələrdə uşaqlar haqqında
informasiya verilməsinin mövcud durumu”, "Jurnalistlərin peşə davranışı
qaydaları və uşaq haqları” mövzusunda təqdimatlar edib.
Qarşılıqlı fikir mübadiləsi
şəraitində keçirilən təlimdə uşaqların malik olduqları müstəsna hüquqlar və
hüquqi normalar, uşaq hüquqlarını qoruyan beynəlxalq normalar, uşaq hüquqlarını
təminat altına alan yerli və beynəlxalq qanunlar media mənsublarının diqqətinə
çatdırılıb.
Təlimin sonunda
keçirilənlərin möhkəmləndirilməsi üçün praktiki iş görülüb, məqalələr
hazırlanıb, biliklər qiymətləndirilib.
Alpər
TURAN