Bakıda daha bir avtobus qəzası

Bakıda daha bir avtobus qəzası

Kriminal
25 Sentyabr 2012, 11:18 1282
Bakıda ağır yol qəzası baş verib. Şahidlərin APA-ya verdiyi məlumata görə, hadisə bu gün saat 08.30 radələrində Binəqədi şossesi, “Söyüdlər” adlanan ərazidə qeydə alınıb.
142 saylı xətt marşrutu üzrə hərəkət edən sərnişin avtobusu yük ilə dolu “KamAZ”la toqquşub. Nəticədə avtobusda olan 10-a yaxın sərnişin xəsarət alıb. Yaralananlar arasında azyaşlı uşaqlar da var.
Şahidlərin dediyinə görə, qəza marşrut avtobusunun sürücüsünün günahı ucbatından baş verib. Hazırda hadisə yerində araşdırma aparılır.